Memlekettik qaryzdy qaitarý el biýdjeti men qarjy júiesine aitarlyqtai salmaq salyp otyr. Qazir syrtqy bereshek 32 trillion teńge shamasynda. Soǵan qaramastan qarjy ministri alańdaýǵa esh negiz joq dep sanaidy, dep habarlaidy Dalanews.kz.
"Halyqaralyq sarapshylardyń aitýynsha, bul joǵary deńgei emes, ony basqarýǵa bolady. Memlekettik qaryz ósip jatyr, ony óteýge de qomaqty qarajat ketip jatyr. Biraq qazir barlyǵy bizdiń belgilengen limit aiasynda. 2024-2025 jyldary burynǵy obligatsiia boiynsha qaryzdy qaitarýdyń sharyqtaý kezeńi. Keiin memlekettik qaryzdyń deńgeii turaqtalady. Ony azaitý úshin birqatar shara qabyldanyp jatyr", deidi QR Qarjy ministri Mádi Tákiev.
Ministr jańa salyq kodeksi arqyly tabysty arttyryp, biýdjet tapshylyǵyn azaitamyz degen ýáj aitqanymen, senatorlar buǵan kelispeidi. Dápýtattardy, ásirese, qaryzdyń kólemi men oǵan jumsalyp jatqan shyǵyn alańdatyp otyr. Byltyr memlekettik qaryzdy óteý men oǵan qyzmet kórsetýge 5 jarym trillion teńge jumsalǵan eken. Osynyń bárin eskere kele, qazirgi jaǵdaidy qalypty dep baǵalaý orynsyz deidi Senat tóraǵasy.
"Siz bári shekteýler aiasynda, bári durys deisiz, biraq biz biýdjetti kórip otyrmyz. Biýdjettiń naqty kirisiniń 42 paiyzy osy qaryzǵa baǵyttalǵan. Onyń teń jartysy — tek paiyzyn tóleýge ketken qarajat. Bul kórsetkish bizge nege bulai bolyp jatqanyn, qalai basqarý kerek ekenin tereńirek taldaýǵa negiz bolýy kerek", deidi Senat tóraǵasy Máýlen Áshimbaev.
