Is-sharanyń maqsaty Aqtóbe óńirinen shyqqan aqynnyń shyǵarmashylyǵyn nasihattaý, jastardy qazaq poeziiasyna, Otanǵa degen súiispenshilikterin arttyrý, Saǵi óleńderiniń tárbielik mánin túsindirý. El arasyndaǵy talanttardy tanyp, olardyń shyǵarmashylyq izdenisin ulǵaitý. Daryndy jastardyń sheberligin shyńdap, óleńge degen yntasyn oiatý bolatyn.
Keshke Demeshova Nazimat Bekqazyqyzy – Aqtóbe oblystyq mádeniet, arhivter jáne qujattama basqarmasynyń halyq shyǵarmashylyǵy jáne kitaphanalar jumysy bóliminiń bas mamany; Ashyqbaev Ertai Ahatuly - Oblystyq «Aqtóbe» gazeti bas redaktorynyń orynbasary, Qazaqstan Jazýshylar Odaǵy Shákárim Qudaiberdiuly at.syilyǵynyń iegeri, Halyqaralyq «Alash» ádebi syilyǵynyń laýreaty; Nietjan Berikov – S.Jienbaevtyń ustazy, jubaiy Jámila apai; Qaýymbaeva Saǵym Dosymqyzy – kitaphanany 30 jyldan asa basqarǵan, kitaphana salasynyń ardageri; Ótemis Ákimov – mádeniet salasynyń ardageri; Ermuqan Qydyrǵali Muhituly – Oblystyq «Rýhaniiat» mýzeiiniń direktory; Talǵat Tileýles – aqyn, Aqtóbe qalalyq ortalyqtandyrylǵan kitaphanalar júiesiniń ádiskeri; Jámetov Ábilqaiyr – zeinetker, kitaphana oqyrmany; Tabynova Naǵima – zeinetker, kitaphana oqyrmany; Myrzaǵulova Tilektes - T.Jarmaǵambetovtyń qaryndasy jáne mektep oqýshylary, oqytýshylar men mádeniet salasynyń qyzmetkerleri qonaq retinde shaqyryldy.
Baiqaýdyń sharttary: 1. «Syrly aqynnyń nurly jyrlary». Qatysýshylar ózderiniń S.Jienbaevtyń shyǵarmashylyǵyna arnaǵan óleń, tolǵaý, poemalaryn joldaidy. 2. «Araily Aqtóbem» atty Aqtóbe oblysyna arnalǵan óleńder. 3. Erkin taqyryptaǵy óleńder.
Baiqaýǵa barlyǵy 65-ten asa úmitkerlerdiń jumystary qabyldanyp, qazylar alqasynyń sheshimimen baiqaýǵa qatysýshy jeńimpazdar qorytyndylaý keshine shaqyrtý aldy. Sharany Aqtóbe oblysynyń mádeniet, arhivter jáne qujattama basqarmasynyń bas mamany Nazimat Bekqazyqyzy ashty. Shara barysynda Saǵi Jienbaevtyń 85 jyldyǵyna, kitaphananyń 40 jyldyq mereitoiyna arnalǵan «Syrly aqynnyń nurly jyrlary» atty respýblikalyq baiqaýdyń qorytyndysy jariialanyp, baiqaýdyń qazylar alqasynyń múshesi retinde aqyn, oblystyq «Aqtóbe» gazeti bas redaktorynyń orynbasary Ashyqbaev Ertai Ahatuly men Aqtóbe oblysynyń mádeniet, arhivter jáne qujattama basqarmasynyń bas mamany Nazimat Bekqazyqyzy jeńimpazdardy marapattap, Diplom, Alǵys hat pen sertifikattaryn tabystady.
Baiqaýdyń jeńimpazdary: Bas júldeni - Tleýhan Dáýren Tleýhanuly, 1-oryn – Kametiia Oralbai Kametiiauly, 2-oryn – Baimuhan Jomart Batihanuly, 3-oryn – Andrei Tsyrfa jáne Mýhanov Jańajol Teńgeuly, aqyn Saǵi Jienbaev atyndaǵy arnaiy júldege – Ǵabbasov Nurbolat Talapuly, Yntalandyrý syilyǵyn Bekjanov Aibat Ákimjanuly, Qulshar Bekzat Mnaidaruly, Muhanbetkaziev Amanjol jeńip aldy. Sonymen qatar jeńimpazdarǵa Diplomdar men aqshalai syilyqtar tabystaldy.
Músháiraǵa aqynnyń 85 jyldyǵyna bailanysty aqyn týraly ár jyldarda baspasóz betinde jariialanǵan «Saǵia qyn – baspasóz betinde» jáne «Syrly sazdy Saǵi aqyn» atty jinaq papkasy jasaldy. «Syrly aqynnyń nurly sazdary» atty ádistemelik qural daiyndaldy. Qalalyq mádeniet úiiniń ánshileri Saǵidyń sózine jazylǵan ánderin oryndady. Sondai-aq, músháirada «Jyr juldyzy jarqyraidy» atty foto-shejire, «Saǵidyń syrly sazdary» atty slaid jáne aqyn Saǵi Jienbaevtyń barlyq eńbekteri men ol týraly baspasóz betterinde jariialanǵan maqalalardan «Saǵidyń ásem álemi» atty keń kólemde kitap kórmesi uiymdastyryldy. Kitaphana direktory Gúljainar Nárenqyzy kelgen qonaqtarǵa, músháiraǵa qatysqan jas aqyndarǵa alǵysyn aityp, aqtilegin joldady. Kesh sońynda estelik sýretke tústi.
Úrjan Qudasova, S.Jienbaev atyndaǵy Aqtóbe oblystyq jasóspirimder kitaphanasy direktorynyń orynbasary.
