2024 jyldyń 7 aqpanynda Jańaqorǵan aýdandyq soty "Jańaqorǵan aýdanynyń bilim bólimi" MM basshysy B. Ibragimovqa, bas býhgalteri K. Aiazbaevaǵa jáne 24 mekteptiń býhgalterlerine qatysty úkim shyǵardy, dep habarlaidy Dalanews.kz.
"Antikor" aqparattyq biýlleteninde atap ótilgendei, olar asa iri kólemde jalpy somasy milliard teńgeden astam biýdjet qarajatyn jymqyrdy dep aiypty dep tanyldy.
"Sot úkimimen mekemeniń basshysyna jáne bas býhgalterine 8 jyl bas bostandyǵynan aiyrý, mektep býhgalterleriniń birine – jas balanyń asyraýynda bolýyna bailanysty 5 jyl merzimge jazasyn keiinge qaldyra otyryp, 7 jyl bas bostandyǵynan aiyrý jazasy taǵaiyndaldy", - QR Sybailas jemqorlyqqa qarsy is-qimyl agenttiginiń baspasóz qyzmeti.
Sonymen qatar sottalǵandar memlekettik qyzmette jáne ózge de uiymdarda qyzmet atqarý quqyǵynan ómir boiy aiyrylady.
Úkim zańdy kúshine engen joq.
Sybailas jemqorlyqqa qarsy qyzmet bilim berý salasyndaǵy jemqorlyq táýekelderine syrtqy taldaý júrgizý barysynda eńbekaqy tóleý qorynan qarajat jymqyrýmen bailanysty turaqty qylmystyq shemalardy ashty:
qyzmetkerlerge jalaqy onyń laýazymynan qaraǵanda áldeqaida kóp aýdarylǵan;
jalaqy bilim berý mekemelerinde resmi túrde tirkelmegen adamdarǵa berilgen;
qyzmetkerdiń kart-shottaryna jalaqy eseptelip, al tólem qujattarynda basqa tulǵanyń derekteri kórsetilgen;
bir adamǵa aqsha aýdarymdaryn birneshe ret qaitalaǵan;
"óli jandarǵa" - týystary men jaqyndaryna aqsha aýdarǵan.
Býhgalterler mekteptiń býhgalterlik esep júieleri, ulttyq bilim berý bazasy jáne "Qazynashylyq-klient" júiesi arasyndaǵy integratsiianyń joqtyǵyn paidalanǵan. Olar tólem qujattaryna qolmen túzetýler engizip, biýdjet aqshasyn jymqyrǵan.
Jyl saiynǵy biýdjettik ótinimderdi qalyptastyrý kezinde jymqyrylatyn qarajattar belgilengen.
