2024 جىلدىڭ 7 اقپانىندا جاڭاقورعان اۋداندىق سوتى "جاڭاقورعان اۋدانىنىڭ ءبىلىم ءبولىمى" مم باسشىسى ب. يبراگيموۆقا، باس بۋحگالتەرى ك. ايازبايەۆاعا جانە 24 مەكتەپتىڭ بۋحگالتەرلەرىنە قاتىستى ۇكىم شىعاردى، دەپ حابارلايدى Dalanews.kz.
"انتيكور" اقپاراتتىق بيۋللەتەنىندە اتاپ وتىلگەندەي، ولار اسا ءىرى كولەمدە جالپى سوماسى ميلليارد تەڭگەدەن استام بيۋدجەت قاراجاتىن جىمقىردى دەپ ايىپتى دەپ تانىلدى.
"سوت ۇكىمىمەن مەكەمەنىڭ باسشىسىنا جانە باس بۋحگالتەرىنە 8 جىل باس بوستاندىعىنان ايىرۋ، مەكتەپ بۋحگالتەرلەرىنىڭ بىرىنە – جاس بالانىڭ اسىراۋىندا بولۋىنا بايلانىستى 5 جىل مەرزىمگە جازاسىن كەيىنگە قالدىرا وتىرىپ، 7 جىل باس بوستاندىعىنان ايىرۋ جازاسى تاعايىندالدى"، - ق ر سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى.
سونىمەن قاتار سوتتالعاندار مەملەكەتتىك قىزمەتتە جانە وزگە دە ۇيىمداردا قىزمەت اتقارۋ قۇقىعىنان ءومىر بويى ايىرىلادى.
ۇكىم زاڭدى كۇشىنە ەنگەن جوق.
سىبايلاس جەمقورلىققا قارسى قىزمەت ءبىلىم بەرۋ سالاسىنداعى جەمقورلىق تاۋەكەلدەرىنە سىرتقى تالداۋ جۇرگىزۋ بارىسىندا ەڭبەكاقى تولەۋ قورىنان قاراجات جىمقىرۋمەن بايلانىستى تۇراقتى قىلمىستىق سحەمالاردى اشتى:
قىزمەتكەرلەرگە جالاقى ونىڭ لاۋازىمىنان قاراعاندا الدەقايدا كوپ اۋدارىلعان؛
جالاقى ءبىلىم بەرۋ مەكەمەلەرىندە رەسمي تۇردە تىركەلمەگەن ادامدارعا بەرىلگەن؛
قىزمەتكەردىڭ كارت-شوتتارىنا جالاقى ەسەپتەلىپ، ال تولەم قۇجاتتارىندا باسقا تۇلعانىڭ دەرەكتەرى كورسەتىلگەن؛
ءبىر ادامعا اقشا اۋدارىمدارىن بىرنەشە رەت قايتالاعان؛
"ءولى جاندارعا" - تۋىستارى مەن جاقىندارىنا اقشا اۋدارعان.
بۋحگالتەرلەر مەكتەپتىڭ بۋحگالتەرلىك ەسەپ جۇيەلەرى، ۇلتتىق ءبىلىم بەرۋ بازاسى جانە "قازىناشىلىق-كليەنت" جۇيەسى اراسىنداعى ينتەگراسيانىڭ جوقتىعىن پايدالانعان. ولار تولەم قۇجاتتارىنا قولمەن تۇزەتۋلەر ەنگىزىپ، بيۋدجەت اقشاسىن جىمقىرعان.
جىل سايىنعى بيۋدجەتتىك وتىنىمدەردى قالىپتاستىرۋ كەزىندە جىمقىرىلاتىن قاراجاتتار بەلگىلەنگەن.
