Qazaqstandyqtarǵa Taiaý Shyǵystaǵy birqatar elderge barmaý usynyldy, dep habarlaidy Dala News.
Syrtqy ister ministrliginiń málimetinshe, aimaqtaǵy áskeri qaqtyǵystardyń jalǵasýyna jáne birqatar memleketterde áýe keńistiginiń jabylýyna bailanysty qazaqstandyqtarǵa bul óńirge sapar josparlaýdan ýaqytsha bas tartý usynylady.
Ministrlik azamattarǵa Bahrein, Egipet, Izrail, Iemen, Iordaniia, Irak, Iran, Katar, Saýd Arabiiasy, Kýveit, Livan, Birikken Arab Ámirlikteri, Oman jáne Siriiaǵa barmaýǵa keńes berdi.
SIM ókilderi atalǵan elderde júrgen qazaqstandyqtardy qaýipsizdik sharalaryn kúsheitýge, qaýipti aimaqtardan aýlaq bolýǵa jáne jergilikti biliktiń nusqaýlaryn oryndaýǵa shaqyrdy. Raketalyq qaýip tóngen jaǵdaida jedel túrde baspana nemese arnaiy qorǵanys oryndaryna barý qajettigi eskertildi.
Sondai-aq azamattarǵa Qazaqstannyń sheteldegi diplomatiialyq ókildikterimen, týroperatorlarmen jáne áýe kompaniialarymen turaqty bailanysta bolý usynyldy.
Ministrlik keibir azamattardyń burynǵy eskertýlerge qaramastan bul óńirge sapar josparlap jatqanyn atap ótip, jaǵdai tolyq turaqtalǵanǵa deiin mundai saparlardan bas tartýǵa taǵy da shaqyrdy.
