Telegram-da syrtqy ister ministri Murat Nurtileý men kásipker Gadji Gadjiev ustalǵany týraly aqparat taraǵan bolatyn. Qazaqstan Respýblikasy Prezidenti janyndaǵy Ortalyq kommýnikatsiialar qyzmeti Jalǵan aqparatqa qarsy is-qimyl ortalyǵy osy oraida málimdeme jasady,- dep habarlaidy Dalanews.kz.
"Gúlnar Bajkenovanyń ("Orda" jáne "Bazhkenova vs.") resýrstarynda taratylǵan Qazaqstan Respýblikasynyń Syrtqy ister ministri Murat Nurtileý men kásipker Gadji Gadjievtiń ustalǵany týraly aqparat shyndyqqa janaspaidy. Ortalyq resmi málimdeidi: ádeii jalǵan aqparat taratý qoǵamdyq senimge nuqsan keltirip, bolyp jatqan oqiǵalarǵa burmalanǵan kózqaras qalyptastyrady. Azamattardy saq bolýǵa jáne tek resmi, tekserilgen derekkózderge senýge shaqyramyz. Qazaqstan Respýblikasynyń zańnamasyna sáikes, jalǵan aqparat taratý jáne onyń taralýyna járdemdesý úshin qylmystyq jaýapkershilikke deiin qarastyrylǵanyn eske salamyz", - dep jazylǵan habarlamada.
QR SIM resmi ókili Aibek Smadiiarov ta pikir bildirdi.
"QR Syrtqy ister ministriniń ustalǵany týraly jańalyq shyndyqqa janaspaidy. Biz muny jýrnalistik etika men elimizdiń qoldanystaǵy zańnamasyn buzý dep sanaimyz", - dedi ol.
