"Qazatomónerkásip" UAK jáne Siemens kompanıasy Qazaqstanda joǵary tehnologıalyq ólsheý tehnıkasyn, ónerkásiptik avtomattandyrý quraldaryn, sondaı-aq taratý jáne komýtasıalyq elektr jabdyqtaryn óndirýdi kezeń-kezeńimen oqshaýlaý týraly strategıalyq kelisimge qol qoıdy, dep habarlaıdy Dalanews.kz.
Osy kelisim sheńberinde Túrkistan qalasynda Siemens jáne "KAP Technology" JSHS ("Qazatomónerkásip" UAK" AQ enshiles uıymy) arasynda joǵary dáldiktegi elektromagnıttik shyǵyn ólshegishterdi, avtomattandyrý shkaftaryn, jıilik túrlendirgishterdi, qysym dachıkterin jáne basqa qurylǵylar óndirisin kezeń-kezeńimen oqshaýlaıtyn birlesken óndiristik alań qurý josparlanýda.
"Bul joba Memleket basshysynyń Joldaýyna sáıkes otandyq taýarlar kólemin ulǵaıtý jáne ofteık júıesin damytý jónindegi kúsh-jigerimizdi ári qaraı jalǵastyrady. Qazatomónerkásipte ımportty almastyrý boıynsha jergilikti jobalaý keńsesi jumys isteıdi, ol otandyq óndirýshilerdi qoldap, jańa jobalardy qaraıdy. Siemens-pen birlesip óndiristi oqshaýlaý bizdiń kásiporyndarda avtomattandyrý men sıfrlandyrý deńgeıin edáýir arttyrady, bul olardy álemdik naryqta básekege qabiletti etedi", dep atap ótti "Qazatomónerkásip" UAK" AQ Basqarma tóraǵasy Meıirjan Iýsýpov.
"KAP Technology" JSHS-tiń resmı seriktesi Siemens-pen yntymaqtastyǵy ınovasıalyq tehnologıalardy damytýǵa jáne ónerkásiptik avtomattandyrýda zamanaýı sheshimderdi engizýge ózara mindettemesin kórsetedi. Seriktestik barysynda kompanıa tek tehnologıalyq jabdyqty ǵana emes, sonymen qatar óndiristik prosesterdiń tıimdiligin edáýir arttyrǵan konsýltasıalyq, ınjınırıńtik jáne servıstik qyzmetterdi de usyndy. Jańa joba Qazatomónerkásip pen Siemens arasyndaǵy uzaq merzimdi yntymaqtastyqtyń mańyzdy kezeńi bolyp, qosymsha jumys oryndaryn ashady jáne bilikti mamandardy oqytýdy qamtamasyz etedi.
Aıta keteıik, bul joba "Samuryq-Qazyna" qorynyń keń strategıasynyń bir bóligi bolyp tabylady. Qyrkúıek aıynda Qazaqstan-Germanıa bıznes-forýmy aıasynda Qor Siemens kompanıasymen óndiristi oqshaýlaý úshin jabdyqtar men materıaldardy jetkizý, Qazaqstanda birlesken óndiris qurý, kadrlardy oqytý jáne basqa da bastamalardy iske asyrý týraly kelisimge qol qoıdy. Bul yntymaqtastyq Qazaqstannyń ınovasıalyq múmkindikterin kúsheıtip, el ekonomıkasynyń damýyna eleýli úles qosady.
