Oblys ákimi Nurlybek Nálibaevtyń qatysýymen Qazaqstan Respýblikasynyń Konstitýtsiia kúni men Bilim kúnine orai Shieli aýdanynda 200 oryndyq «Oqýshylar úii» men 50 oryndyq «Óner mektebi» ashyldy. Saltanatty basqosýǵa Parlament Senaty men Májilisiniń depýtattary Naýryzbai Baiqadamov, Rýslan Rústemov, Murat Ábenov, Murat Ergeshbaev, oblys prokýrory Rizabek Ojarov pen ziialy qaýym ókilderi qatysty,- dep habarlaidy Dalanews.kz
Aimaq basshysy aýdan turǵyndaryn quttyqtap, atqarylǵan jumystarǵa toqtaldy.
«Biyl el táýelsizdiginiń berik tuǵyry, zaiyrly egemendigimizdiń negizi sanalatyn Qazaqstan Respýblikasynyń Konstitýtsiiasyna 30 jyl toldy. Óńirimizde Prezidentimizdiń tapsyrmasyn oryndaýǵa, jastarǵa sapaly bilim, sanaly tárbie berýge baǵyttalǵan júieli jumys atqarylýda.
Búgin Ózderińizben jańa oqý jyly qarsańynda shejireli Shielide 200 oryndyq «Oqýshylar úii» men 50 oryndyq «Óner mektebiniń» ashylýynda bas qostyq.
Jalpy quny 1 mlrd. 68 mln. teńge bolatyn jańa «Oqýshylar úiinde» 28, «Óner mektebinde» 8 úiirme jas urpaqtyń jan-jaqty azamat bolyp qalyptasýyna qyzmet etpek.
Bilim men ónerdiń ordasyna ainalatyn jańa ǵimarattan Qazaqstannyń Eńbek Eri Asqar Jumadildaev, shejireli qalamger Órken Ismail, aitysker aqyn, «Altyn dombyra» iegeri Meiirbek Sultanhan syndy Syr óńiriniń mereiin asqaqtatyp, atyn tanytatyn daryndylar shyǵady dep senemiz! Barshańyzdy jańa nysannyń ashylýymen taǵy da quttyqtaimyn!», - dedi N.Nálibaev.
Jiynda aýdannyń áleýmettik-ekonomikalyq damýy jolynda eleýli eńbek etken azamattar men jańa nysandy sapaly ári merziminde salǵan merdiger mekeme qyzmetkerlerine Qyzylorda oblysynyń Qurmet gramotasy men oblys ákiminiń Alǵys haty tabystaldy.
Rýslan Rústemov, Murat Ábenov izgi tilekterin jetkizip, bilim salasynyń ardageri, Shieli aýdanynyń qurmetti azamaty Kenjetai Palmaǵanbetov bata berdi.
Aýdanǵa jumys sapary kezinde aimaq basshysy kúrdeli jóndeýden ótken №219 Y.Altynsarin atyndaǵy orta mekteptiń jumysymen tanysty. «SK i Montaj-stroi» JShS kúrdeli jóndeý jumystaryn mamyr aiynda bastap, tamyz aiynda aiaqtatady. Munda 200-ge jýyq muǵalim qyzmet etip, 1 myńnan astam oqýshy bilim alady.
Eske salaiyq, aimaǵymyzdyń bilim berý salasyna sońǵy úsh jylda 812 mlrd. 245 mln. teńge, biyl 346 mlrd. 800 mln. teńge qaraldy. Qarjylandyrýdyń barlyq kózinen ótken jyly 31 mlrd. 800 mln. teńgege 13 bilim berý uiymy jańadan ashyldy.
Qosymsha bilim berý júiesin damytý maqsatynda úsh jylda 4 «Oqýshylar úii» men 2 «Óner mektebi» salynyp, ziiatker jas urpaqtyń igiligine qyzmet etip keledi.
