Vale kantonynyń polısıasy qaza tapqandardyń jeke basy anyqtalǵanyn habarlady. Olar: jasy 16 men 21 aralyǵyndaǵy eki qyz ben eki jigit. Barlyǵy da Shveısarıa azamattary bolǵan, dep habarlaıdy Dalanews.kz
Qaıǵyly oqıǵa Jańa jyl merekesin atap ótip jatqanda bolǵan. Qyzyl jalyn tutanǵanda jastar úreımen dalaǵa umtylǵan. Alaıda olar úlken kedergige tap bolǵan. Demalys aımaǵyndaǵy jóndeý jumystary kezinde jertóleniń tóbesine penoplasttan jasalǵan akýstıkalyq panelder ornatylǵan. Dál osy panelder bengal otshashýlarynan birden tutanyp ketken. Bar ıesi áıeldiń ózi de qolynan kúıik alǵan. Onyń kúıeýi mekeme ıeleriniń tergeýmen tolyqtaı yntymaqtasyp jatqanyn, olardyń jaýap alynǵanyn málimdegen, - dep jazady shveısarıalyq 20 Minuten portaly.
