Shýchınsk qalasyndaǵy "Sentr plova" dámhanasynda bolǵan jarylystan zardap shekkenderdiń jaǵdaıy týraly Aqmola oblystyq densaýlyq saqtaý basqarmasy málimet berdi, dep habarlaıdy Dalanews.kz.
Vedomstvonyń habarlaýynsha, jaraqat alǵandardyń biri emin aıaqtap, aýrýhanadan shyqqan. Qazirgi tańda Kókshetaý qalasyndaǵy aýrýhanada úsh adam em qabyldap jatyr. Olardyń ekeýi aýyr hálde jansaqtaý bóliminde bolsa, bir naýqas travmatologıa bóliminde jatyr.
Sondaı-aq buǵan deıin bes adam sanıtarlyq avıasıa arqyly Astanadaǵy Ulttyq shuǵyl medısına ortalyǵyna jetkizilgen.
