Shýchinskidegi «Tsentr plova» kafesinde 27 aqpanda bolǵan gaz jarylysy men keiingi órt saldarynan taǵy eki adam kóz jumdy. Osylaisha, qaza tapqandar sany 11 adamǵa jetti, dep habarlaidy Dalanews.kz
Oblystyq densaýlyq saqtaý basqarmasynyń basshysy Nariman Ermektiń aitýynsha, 8 naýryzda «Avitsenna-Býrabai» statsionarynyń jansaqtaý bóliminde aýyr jaraqat alǵan naýqas qaitys boldy, al 9 naýryzda Aqmola oblystyq kópsalaly aýrýhanasynda emdelip jatqan áiel patsient kóz jumdy.
Jarylystan keiin politsiia qylmystyq is qozǵap, mekeme iesin ustap, tergeý bastalǵan. Sonymen qatar, oqiǵany tergep-tekserý úshin komissiia quryldy.
Qaza tapqandar men zardap shekkenderge materialdyq kómek kórsetiletini habarlandy. Oqiǵa saldarynan óńirde qoǵamdyq tamaqtaný oryndaryndaǵy gaz ballondaryn tekserý kúsheitildi.
