Belgili sportshy indettiń barlyq aýyrtpalyǵyn basynan ótkerdi. Endi vırýsqa shaldyqqan jandardyń saýyǵyp ketýine tilektes ekenin jetkizdi. Tıisti em-domnyń arqasynda dertten jazylyp shyqqan elektrtehnıkalyq kolejdyń dırektory Azat Sarpekov ta qaýipti vırýspen aýyrǵan adam retinde basqa adamdarǵa kómektesýge daıyn ekenin bildirip, qan plazmasyn tapsyrdy.
– Pandemıaǵa qarsy adam ómirin saqtap qalý maqsatynda qol ushyn berý úshin qan plazmasyn tapsyrdym. Shyǵys Qazaqstan oblysy qan plazmamen naýqastardyń ómirin saqtap qalýdy elimiz boıynsha birinshi bolyp qolǵa aldy. Aýyryp shyqqannan keıin, denemizde qan plazmalary qalyptasqandyqtan qınalyp jatqan jandarǵa qol ushyn sozý maqsatynda qan tapsyryp jatyrmyz. Osyndaı kıyn-qystaý kezeńde bir-birimizdi qoldaý kórsetýdiń mańyzy zor, – dedi Azat Sarpekov.
Semeı qalalyq aqparat ortalyǵy Semeı qalasynyń Qan ortalyǵynda COVID-19-ǵa antıdenesi bar ımýndyq plazma daıarlaý úshin donorlar tizimi jasalyp jatqanyn habarlady.
Sondaı-aq indetten aman jandar osy vırýsqa shaldyqqan adamdarǵa qol ushyn berýin jalǵastyrýda.
Semeı qalasyndaǵy aýrýhanalardyń birinde koronavırýstan emdelip jatqan naýqastarǵa shahardaǵy kásipker 60-adamǵa túski as jetkizip berdi. Qaladaǵy kásipkerlerde beı-jaı qaramaı qoldan kelgen kómektesýde. «Búgin bizde shet qalmaı, ıgi isti jalǵastyrdyq» deıdi Qymbat Ýaǵyzhanova. Osylaısha semeılikter vırýsty jeńýde jáne naýqastar men dárigerlerge qoldaý bildirýde óz úlesterin qosýda.
Qýanysh RAHMETOLLAULY, Semeı qalasy.
