Qazaqstan tsifrlyq táýelsizdikti strategiialyq maqsat retinde aiqyndap, jasandy intellekt tehnologiialaryn belsendi túrde damytyp jatyr. 2024 jyly 2029 jylǵa deiingi JI-di damytý tujyrymdamasy bekitildi. Bul qujat aýqymdy mindetterdi alǵa qoiady: bes jyl ishinde million adamdy JI negizderine úiretý, ulttyq platformany qurý, ózimizdiń tildik modeli — KazLLM-dy ázirleý jáne otandyq IT-kontenttiń úlesin 80%-ǵa deiin jetkizý. Bul týraly ShQO Tsifrlandyrý jáne arhivter basqarmasy basshysynyń orynbasary Arnur Saparǵaliev Óńirlik kommýnikatsiialar qyzmeti alańynda málimdedi, dep habarlaidy Dalanews.kz
Jasandy intellekt qazirdiń ózinde meditsina, kólik jáne memlekettik qyzmetter salalarynda qoldanyla bastady. CerebraAI jáne MED365 sheshimderi dárigerlerge diagnoz qoiýda kómektesedi, al «QTJ» bazasynda poiyz qozǵalysyn ońtailandyrý úshin tsifrlyq poligondar qurylyp jatyr. Qoǵamdyq qaýipsizdik salasynda «OPER 2.0» beineanalitika júiesi engizildi, al eGov aiasynda intellektýaldy chat-bot ázirlenýde.
Elde Cybernet AI, Verigram, Webtotem sekildi kompaniialardy biriktiretin tutas JI ekojúiesi qalyptasyp jatyr. Alem.AI halyqaralyq ortalyǵy salynýda, ol zertteýler men startaptarǵa arnalǵan alańǵa ainalmaq. Qazaqstan ýniversitetteri de bul salanyń damýyna belsene atsalysyp otyr.
Tsifrlyq táýelsizdiktiń ajyramas bóligi — kiberqaýipsizdik. Qazaqstan ITU-diń jahandyq indeksindegi pozitsiiasyn jaqsartty, KZ-CERT ortalyǵy jumys isteidi, «Kiberqalqan Qazaqstan» tujyrymdamasy júzege asyrylýda jáne tsifrlyq kodeks pen JI týraly zańdar daiyndalyp jatyr.
Infraqurylymdy damytýǵa, onyń ishinde derekterdi óńdeý ortalyqtaryna erekshe kóńil bólinýde. Sondai-aq JI-dy jastar men biznes arasynda ilgeriletýge basymdyq berilmek. Osy bastamalar arqyly Qazaqstan Ortalyq Aziianyń tsifrlyq haby retinde óz pozitsiiasyn nyǵaityp, tehnologiialyq egemendikke naqty qadamdar jasaýda.
