Shyǵys Qazaqstanda ár kóktemde sý tasqyny qaýpi bar birneshe aýdan bar ekendigi atap ótildi. Bul ainaladaǵy jerdiń relefine bailanysty. Mamandardyń málimetteri boiynsha aýa raiynyń nasharlaýy kezinde sý tasqyny jaǵdailarynyń paida bolýy Altai aýdany, Besqaraǵai, Glýbokoe, Katonqaraǵai, Kókpekti jáne Tarbaǵatai aýdandary siiaqty 19 eldimekende yqtimal bolyp keledi.
Tasqyn sý aǵyny jyl saiyn osy aýdandar arqyly ótedi. Buǵan jol bermeý múmkin emes. Sondyqtan sý tasqynyna qarsy is-sharalar óte mańyzdy. Qutqarýshylar men jergilikti atqarýshy organdardyń is-áreketteri sý tasqynynyń aldyn alýǵa jáne onyń saldaryn barynsha azaitýǵa baǵyttalǵanyn túsiný mańyzdy.
Eldos Chikenovtyń málimeti boiynsha óńirde 564 myń tekshe metr qar shyǵaryldy, avtomobil jáne temir joldardaǵy sý ótkizý qurylystary, kópirler, aryqtar men kanaldar tazalandy. Respýblikalyq jáne oblystyq joldar boiynsha 271 kópir men 2871 sý ótkizý qurylǵysy tazalandy.
Qazirgi ýaqytta oblysta jazyq aýmaqta qardyń erýimen, sondai-aq qulama aǵyndardyń paida bolýymen jáne ózenderdiń ashylýymen bailanysty sý tasqynynyń alǵashqy tolqyny bolyp jatyr. Gidrologiialyq jaǵdai turaqty. Ózenderdegi sý deńgeii syni deńgeiden tómen.
Bul kezeń naýryzdyń ekinshi onkúndiginiń sońynan sáýirdiń ekinshi onkúndiginiń sońyna deiin jalǵasady. Ózenderdiń ashylý uzaqtyǵy ońtústikten soltústikke jáne ártúrli biiktiktegi jaǵdaiǵa bailanysty. Seń júrgen kezde Buqtyrma, Kúrshim, Qaljyr, Ertis, Úlbi, Ýba, Turǵysyn ózenderinde muz keptelisi paida bolady.
ShQO TJD jeke quramy kúsheitilgen qyzmet túrine aýystyryldy. Oblys aýmaǵynda sý tasqynynyń jaǵdaiy kúrdelengen jaǵdaida jalpy sany 2412 birlik tehnika men 370 motopompa bar kúshter men quraldar toby quryldy, 104 evakopýnkt daiyndaldy.
Qazaqstan Respýblikasy Tótenshe jaǵdailar ministriniń nusqaýyna sáikes Shyǵys Qazaqstanǵa Qaraǵandy oblysynan 52859 áskeri bóliminiń mehanikalandyrylǵan jiyntyq jasaǵy jeke quramynyń 50 adamynan quralǵan kúshter men quraldar toby jáne 8 birlik tehnika, 10 jyljymaly motopompa jáne 4 júzý quraly keldi. Kelgen kúshter men quraldar qazirgi ýaqytta Kókpekti aýdanynyń Samar aýylynda jáne Altai aýdanynda ornalasqan.
Búgingi kúni TJD jáne JAO kúshterimen jáne quraldarymen turǵyn úiler men aýla aýmaqtaryn sý basý qaýpi bolǵan,erigen qar sýyn sorý jumystary júrgizildi. Naýryz aiynyń basynan bastap TJD jáne jergilikti atqarýshy organdardyń kúshimen jáne quraldarymen eldimekenderdiń kóshelerinen 145 myń tekshe metrden astam sý soryldy.
ShQO TJD qutqarýshylary men ákimdikteri jaǵdaidy táýlik boiy monitoringteý jalǵasýda.
Aýlalar men jeke ýchaskeler aýmaǵynyń jaǵdaiy týraly bólek másele. Munda qardy tazalaý jáne shyǵarý - PIK-tiń nemese jeke aýmaq ieleriniń mindeti. Jeke aýmaqta ornalasqan drenaj júiesiniń ýchaskelerin ustaý problema bolyp tabylady. Sý burý arnalary men aryqtardyń bir bóligi jeke aýlalar boiynsha ótedi. Jer iesiniń mindeti - arnany ýaqtyly tazartý.
ShQO TJD otandastardy sý tasqyny qaýip-qaterine barynsha baiypty qaraýǵa jáne jaýapkershiliktiń bir bóligine nemquraily qaramaýǵa shaqyrady.
Esterińizge sala keteiik, «Qazgidromet» RMK ShQ filialynyń aqparaty boiynsha oblystyń jazyq aýmaǵynda oń temperatýralyq fon boljamyna bailanysty qarqyndy qar erýi jáne erigen aǵyn qalyptasýy kútilýde.
