Shyǵys Qazaqstan oblysynyń ákimi Nurymbet Saqtaǵanov Ulan aýdany, Qasym Qaisenov aýylyndaǵy jańa emhananyń ashylý saltanatyna qatysty,- dep habarlaidy Dalanews.kz
Joba 2023–2025 jyldar aralyǵynda kezeń-kezeńimen júzege asyryldy. Bas merdiger – «ELHON» JShS, tapsyrys berýshi – ShQO qurylys basqarmasy.
Jańa emhananyń ǵimaraty zamanaýi standarttar men tehnologiialarǵa sai jobalanǵan, patsientter úshin jaily jaǵdai men meditsina qyzmetkerleriniń tiimdi jumys isteýine múmkindik jasalǵan.
«Búgin biz Ulan aýdany úshin mańyzdy jańa nysandy – Qasym Qaisenov aýylyndaǵy zamanaýi emhanany ashtyq. Bul – jai ǵana ǵimarat emes. Bul – turǵyndardyń ómir sapasyn jaqsartý men meditsinalyq kómektiń qoljetimdiligin arttyrý baǵytynda atqarylǵan júieli jumystyń nátijesi.
Densaýlyq saqtaý salasyn damytý – memlekettik saiasattyń basty basymdyqtarynyń biri. Ekonomikanyń turaqty ósýiniń arqasynda biz ár azamatqa qatysty mańyzdy máselelerdi – densaýlyq saqtaý, bilim berý, turmys jaǵdailaryn – kezeń-kezeńimen sheship kelemiz. ShQO-da, sonyń ishinde aýyldyq jerlerde de, meditsinalyq mekemelerdiń keń jelisi qalyptasqan. Tek Ulan aýdanynda aýdandyq aýrýhana, dárigerlik ambýlatoriialar, meditsinalyq jáne feldsherlik-akýsherlik pýnktter jumys isteidi. Sońǵy jyldary densaýlyq saqtaý nysandaryn jóndeý, jabdyqtaý jáne jańadan salý jumystary qarqyndy júrgizilýde.
Máselen, «Aýyl – El besigi» memlekettik baǵdarlamasy men «Aýyldyq densaýlyq saqtaýdy jańǵyrtý» ulttyq jobasy aiasynda Ulan aýdanynda 5 jańa meditsinalyq pýnkt salyndy, 4 ambýlatoriia jóndeýden ótti. Al búgin aýysymyna 150 adam qabyldai alatyn, jalpy aýdany 3853 sharshy metrdi quraityn jańa emhana paidalanýǵa berildi. Jańa emhana aýyl jáne aýdan turǵyndaryna sapaly meditsinalyq kómekke, naqty diagnostika men ýaqtyly emdelýge jol ashady», – dedi ShQO ákimi Nurymbet Saqtaǵanov.
Qabyldaýdy jalpy praktika dárigerleri jáne kelesi salalyq mamandar júrgizedi: otorinolaringolog, oftalmolog, dermatolog, nevropatolog, kardiolog, onkolog, akýsher-ginekolog, hirýrg, travmatolog, ftiziatr, stomatolog.
Diagnostika júrgizý úshin mikrobiologiialyq jáne serologiialyq zertteýler júrgizýge múmkindik beretin bakteriologiialyq zerthana qarastyrylǵan.
Emhanada FGDS, kolono- jáne videokolonoskopiia, rentgen, mammografiia, fliýorografiia, ÝDZ, fizioterapiia kabinetteri jumys isteitin bolady.
Mekeme quramyna qysqa merzimdi emdelýge arnalǵan kúndizgi statsionar, josparly jáne shuǵyl operatsiialar jasalatyn ota blogy, stomatologiialyq jáne hirýrgiialyq kabinetter kiredi. Sonymen qatar, terapevt kabineti men tórt shaqyrý sanaty boiynsha shuǵyl meditsinalyq kómek bólimi jumys isteitin bolady.
Jedel járdem qyzmetiniń tiimdi jumys isteýi úshin eki sanitarlyq avtokólikke arnalǵan garaj ǵimaraty salynǵan. Budan bólek, jaqyn arada jedel járdem stantsiiasyn jańa emhana ǵimaratyna kóshirý josparlanyp otyr.
