Óskemen qalasynda Shyǵys Qazaqstan oblysy Polısıa departamentiniń bastamasymen qoıylǵan «Tańdaý» atty áleýmettik spektákldiń premerasy ótti, dep habarlaıdy Dalanews.kz

Bul qoıylym respýblıkalyq «Jasóspirim» jedel-profılaktıkalyq is-sharasy aıasynda óskeleń urpaqpen júrgiziletin aýqymdy aldyn alý jumysynyń bir bóligine aınaldy.

Qoıylymdy alǵashqylardyń biri bolyp 700-den astam mektep oqýshylary men kolej stýdentteri tamashalady. Qoıylymda durys joldan jańylýdyń qanshalyqty ońaı ekeni, sanaly tańdaý jasaýdyń qıyndyǵy men qateliktiń quny týraly ótkir máseleler qozǵaldy.

— Biz jastardyń júregine jetetin dıalog túrlerin izdestirýdemiz. Teatr — bul jastarmen shynaıy, emosıalyq jáne ónege oqymaı sóılesýdiń múmkindigi. Bul — óner arqyly tikeleı profılaktıka, — dep atap ótti SHQO Polısıa departamenti bastyǵynyń birinshi orynbasary polısıa polkovnıgi Almaz Tókenov.

Jantaı Turysbekov jazǵan jáne sahnalaǵan «Tańdaý» spektakli sport pen qylmystyń, úmit pen kúıreýdiń arasynda turǵan bozbalanyń taǵdyryn baıandaıdy. Qoıylymnyń basty ıdeıasy — árbir tańdaýdyń artynda jeke, ata-analyq jáne qoǵamdyq taǵdyr turatynyn kórsetý.

Qoıylym «Zań jáne tártip» qaǵıdatyn nasıhattap, jastardy sanaly ári batyl ómirlik sheshimder qabyldaýǵa úndeıdi. SHQO polıseıleri jas júrekterge durys jol tańdaýǵa kómektesý maqsatynda profılaktıkalyq jumysty shyǵarmashylyq tásilmen jalǵastyrýǵa nıetti.