Búgin oblys ákimdiginde ótken keńes barysynda Shyǵys Qazaqstanda týrizmdi odan ári damytý máselesi talqylandy. Búgingi tańda bul negizgi baǵyttardyń biri, statistika boiynsha, jyl saiyn aimaqqa keletin týrister sany artyp keledi, dep habarlaidy Dalanews.kz
2024 jyldyń qorytyndysy boiynsha óńirge 428 myńǵa jýyq qonaq keldi, bul kórsetkishti 650 myńǵa jetkizý josparlanýda. Alaida, bul úshin óńir basshysy Nurymbet Saqtaǵanovtyń aitýynsha, barlyq boljamdy jobalar men olar úshin qajetti infraqurylym kiretin salany damytýdyń keshendi josparyn jasaý qajet. Atap aitqanda, bul Ridderdegi taý shańǵysy klasterine qatysty, oblys ákimi tujyrymdama ázirleýdi tapsyrdy.
Shyǵys Qazaqstannyń myqty tusy - eko-jáne etnotýrizm. "Altai Fest 2024", "Shyǵys salburyny 2024" is sharalary, balyq aýlaý jáne rafting boiynsha jarystar óńirdiń brendterine jáne týristerdi tartýdyń qýatty quralyna ainalýda.
- Biz óz tarapymyzdan joldardy jóndeý, sanitarlyq-gigienalyq toraptardy ornatý, injenerlik - kommýnaldyq jelilerdi salý jumystaryn júrgizip jatyrmyz, - dep atap ótti Nurymbet Saqtaǵanov.
Alaida, aimaq úshin ózekti bolyp qalatyn másele bar - ol zańsyz týristik biznes. Týrizm salasyndaǵy kásipkerlerdiń edáýir bóligi salyqtyq jáne statistikalyq eseptilikten qashyp, kóleńkede jumys isteýdi jalǵastyrýda. Bul biýdjet túsimderin azaityp qana qoimai, sonymen qatar salanyń damýyn strategiialyq josparlaýdy qiyndatady, óitkeni týristik aǵyn men qajettilikterdiń naqty kólemi eskerilmeidi. Ótken jyly Memlekettik kirister departamentiniń qoldaýymen Ulan, Altai jáne Samara aýdandarynyń negizgi týraimaqtary boiynsha birqatar tekserýler júrgizildi. 100-den astam josyqsyz kásipker anyqtaldy (ákimshilik jaýapkershilikke 52 adam tartyldy). Aǵymdaǵy jyly bul jumys kúsheitilip, búkil óńirge qoldanylatyn bolady.
Keńes barysynda óńir basshysy barlyq jumys istep turǵan týristik soqpaqtar men marshrýttarǵa túgendeý júrgizýdi tapsyrdy.
