Bıyl SHQO-ǵa qarasty barlyq aýdan ortalyqtary ınternet jelisine qosylǵanyn atap aıtýymyzǵa bolady. Bul el Táýelsizdigniń 30 jyldyǵynda qol jetkizgen mańyzdy jumys bolyp tur. Búgin jýrnalısermen kezdesip, jumystaryn qorytyndylaǵan SHQO Sıfrlandyrý basqarmasynyń basshysy Marına Gagarına mundaı bıik mejege qalaı qol jetkizgenderin tarqatyp aıtyp berdi.
Basqarma basshysynyń aıtýynsha, búginde Shyǵys Qazaqstan oblysy aýmaǵyndaǵy 683 aýyldyq okýrgterdiń turǵyndary joǵaryjyldamdyǵy 8 Mbıt/s quraıtyn ınternet jelisine qosylǵan. Al 261 aýyl joǵaryjyldamdyǵy 2 Mbıt/s quraıtyn ınternet jelisin paıdalansa, eń tómengi 0,5 Mbıt/s ınternet jelisine 145 aýyl qosylǵan.
– Búginde oblys aýmaǵynda ınternet jelisiniń sapasyn jaqsartý baǵytynda «250+» dep atalatyn joba júzege asýda. Bul – joba tolyq júzege asqan sátte oblys turǵyndary jalpyjolaqty mobıldi ınternetke qol jetkizetin bolady. Mundaı ınternetpen halyq sıfrly memlekettik qyzmetterdi erkin paıdalana alady. Sonymen qatar atalǵan joba aıasynda 31 aýyldaǵy spýtıktik transmısıalardy jer betine ornatý jáne 32 aýyldy 3G/4G tehnologıalaryna qosatyn bolamyz. Sonymen qatar 58 antanalyq machtardy aýystyryp, baılanys sapasyn jaqsartýdy kózdep otyrmyz, – deıdi Marına Gagarına.
Búginde Altaı aýdanyna qarasty Borodıno aýylynda jańa antanalyq mach ornatylyp, halyq qyzyǵyn kóre bastaǵan.
