![](/uploads/images/20240127193418181.jpg)
باسقارما باسشىسىنىڭ ايتۋىنشا، بۇگىندە شىعىس قازاقستان وبلىسى اۋماعىنداعى 683 اۋىلدىق وكۋرگتەردىڭ تۇرعىندارى جوعارىجىلدامدىعى 8 مبيت/س قۇرايتىن ينتەرنەت جەلىسىنە قوسىلعان. ال 261 اۋىل جوعارىجىلدامدىعى 2 مبيت/س قۇرايتىن ينتەرنەت جەلىسىن پايدالانسا، ەڭ تومەنگى 0،5 مبيت/س ينتەرنەت جەلىسىنە 145 اۋىل قوسىلعان.
– بۇگىندە وبلىس اۋماعىندا ينتەرنەت جەلىسىنىڭ ساپاسىن جاقسارتۋ باعىتىندا «250+» دەپ اتالاتىن جوبا جۇزەگە اسۋدا. بۇل – جوبا تولىق جۇزەگە اسقان ساتتە وبلىس تۇرعىندارى جالپىجولاقتى ءموبيلدى ينتەرنەتكە قول جەتكىزەتىن بولادى. مۇنداي ينتەرنەتپەن حالىق سيفرلى مەملەكەتتىك قىزمەتتەردى ەركىن پايدالانا الادى. سونىمەن قاتار اتالعان جوبا اياسىندا 31 اۋىلداعى سپۋتيكتىك ترانسميسسيالاردى جەر بەتىنە ورناتۋ جانە 32 اۋىلدى 3G/4G تەحنولوگيالارىنا قوساتىن بولامىز. سونىمەن قاتار 58 انتانالىق ماچتاردى اۋىستىرىپ، بايلانىس ساپاسىن جاقسارتۋدى كوزدەپ وتىرمىز، – دەيدى مارينا گاگارينا.
بۇگىندە التاي اۋدانىنا قاراستى بورودينو اۋىلىندا جاڭا انتانالىق ماچ ورناتىلىپ، حالىق قىزىعىن كورە باستاعان.