– Infraqurylymdy odan ári damytý úshin Óskemen qalasynda qýaty 148 tósek-oryn bolatyn gematologiialyq ortalyq salynýda. Al Ridder qalasynda 200 tósektik statsionary jáne aýysymyna 500 adam qabyldaityn emhanasy bar kópbeiindi aýrýhana kesheniniń qurylysy jalǵasýda. "Aýyldyq densaýlyq saqtaýdy jańǵyrtý" ulttyq jobasy aiasynda 36 alǵashqy meditsinalyq-sanitarlyq kómek nysanyn salý josparlanǵan, onyń ishinde – 27 meditsinalyq pýnkt, 7 dárigerlik ambýlatoriia, 2 feldsherlik-akýsherlik pýnkt, – dedi Ainash Qapanova.
Densaýlyq saqtaý basqarmasy basshysynyń orynbasarynyń aitýynsha, búgingi tańda oblysta 6 meditsinalyq uiym joǵary tehnologiialyq qyzmetterdiń 50 túrin kórsetedi. Aǵymdaǵy jyly kórsetiletin JTMK sany 2021 jylmen salystyrǵanda 120%-ǵa ósken.
– ShQO densaýlyq saqtaý salasynda birqatar problemalyq máseleler bar. Solardyń biri kadr tapshylyǵy, ol jergilikti biýdjet esebinen suranysqa ie mamandyqtar boiynsha 34 rezidentti jáne meditsinalyq uiymdar qarajaty esebinen 60 rezidentti oqytý arqyly sheshiledi, – dep atap ótti spiker.
Sonymen qatar, óńirde joǵary tehnologiialyq meditsinalyq kómekti engizý boiynsha josparly jumys júrgizilýde.
– Aǵymdaǵy jyldyń 8 aiynyń qorytyndysy boiynsha JTMK-nyń 29 túri boiynsha 209 qyzmet oryndaldy. Oblys turǵyndary úshin endovaskýliarlyq meditsina ádisterimen qolqa júrek aqaýlaryn emdeý, epilepsiianyń aýyr túrlerinde midyń bir bóligin alyp tastaý operatsiiasy, júrek aýrýynyń aýyr túrlerimen aýyratyn naýqastarda júrektiń toqtap qalýyn boldyrmaý úshin kardiostimýliator ornatý siiaqty biregei operatsiialar qoljetimdi boldy.
Sonymen qatar, Óskemen qalasynyń № 4 Qalalyq aýrýhanasynda jáne Altai aýdanynyń aýdanaralyq aýrýhanasynda JTMK engizý úshin qyrkúiek aiynda litsenziialar alynyp, 1 qazannan bastap joǵary tehnologiialyq meditsinalyq kómek kórsetiletin bolady, – dep tolyqtyrdy Ainash Qapanova.
