Sonymen qatar, óńirde 2017 jyldan bastap «Barshaǵa arnalǵan tegin kásiptik-tehnikalyq bilim berý» jobasy iske asyrylýda. Jergilikti biýdjet boiynsha memlekettik bilim berý tapsyrysynyń jalpy kólemi – 6 260 oryndy qurap otyr. «Eńbek» baǵdarlamasy boiynsha jyl saiyn respýblikalyq biýdjetten 1 730 memlekettik tapsyrys orny qarjylandyrylady.
Sonymen qatar, 2018 jyldan bastap jan basyna qarjylandyrý engizildi. Osyǵan sáikes, kolledjderde memlekettik tapsyrys boiynsha bir bilim alýshyǵa jumsalatyn shyǵyndar jylyna orta eseppen 504 myń teńge.
Oqytýshylar men óndiristik oqytý sheberleri Reseidiń (Máskeý, Tatarstan), Belarýstiń, Norvegiianyń, Malaiziianyń, Finliandiianyń, Ulybritaniianyń, Germaniianyń sheteldik oqý ortalyqtarynda taǵylymdamadan ótedi.
Shyǵys Qazaqstan alǵashqy bolyp, 2014 jyldan bastap "Máńgilik El jastary-indýstriiaǵa!"- "Serpin-2050" memlekettik baǵdarlamasyn iske asyrdy. Biylǵy oqý jylynda "Serpin" baǵdarlamasy boiynsha óńirdiń 7 kolledjinde 142 stýdent bilim alýda.
Tórt jyl buryn modýldik-quzyrettilik tásildi qoldaný bastalyp,onyń sheńberinde mamandardy daiarlaý oqytýdyń eki deńgeili modeli júrgiziledi. Búginde ol 59 kolledjde 79 mamandyq boiynsha engizilgen.
Kolledjderdi jańǵyrtý maqsatynda 2020 jyldan bastap «Jas maman» jobasy boiynsha 3 mlrd 24 mln teńge somasyna halyqaralyq standarttarǵa sáikes jabdyqtalǵan 10 quzyrettilik ortalyǵy jumys isteidi.
Osy jyldyń qyrkúiek aiynan bastap TjKB uiymdarynda akademiialyq derbestik engizildi.
Oqý oryndarynda stýdentter men túlekterdi WorldSkills talaptary boiynsha emtihan túrinde oqytý nátijelerin baǵalaýdyń jańa júiesi jumys isteidi. Oblys stýdentteri WorldSkills baiqaýyna qatysady. Eki jyl qatarynan respýblikalyq baiqaýda ShQO qurama komandasy birinshi orynǵa ie boldy. Qazan qalasynda ótken halyqaralyq baiqaýda bizdiń balalar qola medalǵa qol jetkizip, «Mehatronika» quzyrettiligi boiynsha kásibiligi úshin medalin jáne Vest of Nation medalin jeńip aldy. Mundai jeńisti nátijemen Qazaqstan komandasyn 14-orynǵa kóterdi.
Elbasy Nursultan Ábishuly Nazarbaevtyń bes áleýmettik bastamasyn oryndaý maqsatynda stýdent jastardyń jataqhanadaǵy jaǵdaiyn jaqsartý úshin kolledj stýdentteri úshin 7 jataqhana ashyldy.
Qoryta aitqanda, óńirde «Bilikti maman» jobasy tabysty iske asyrylyp jatqanyn atap ótý kerek. Bilim berýde qol jetkizilgen kórsetkishter Táýelsiz Qazaqstannyń igiligi úshin jumys isteitin bilikti mamandardy daiarlaý jónindegi josparly jumystyń nátijesi bolyp tabylady, dep atap ótti derekkóz.
