شقو اكىمدىگىنىڭ اقپاراتىنا سايكەس، 2012 جىلدان باستاپ كوللەدجدەردە دۋالدى وقىتۋ ەنگىزىلۋدە. 720 كاسىپورىنمەن 5307 شارت جاسالىپ، ونىڭ شەڭبەرىندە جىل سايىن ءۇش مىڭنان استام تۇلەك وبلىس كاسىپورىندارىندا اقىلى وندىرىستىك پراكتيكادان وتەدى.
سونىمەن قاتار، وڭىردە 2017 جىلدان باستاپ «بارشاعا ارنالعان تەگىن كاسىپتىك-تەحنيكالىق ءبىلىم بەرۋ» جوباسى ىسكە اسىرىلۋدا. جەرگىلىكتى بيۋدجەت بويىنشا مەملەكەتتىك ءبىلىم بەرۋ تاپسىرىسىنىڭ جالپى كولەمى – 6 260 ورىندى قۇراپ وتىر. «ەڭبەك» باعدارلاماسى بويىنشا جىل سايىن رەسپۋبليكالىق بيۋدجەتتەن 1 730 مەملەكەتتىك تاپسىرىس ورنى قارجىلاندىرىلادى.
سونىمەن قاتار، 2018 جىلدان باستاپ جان باسىنا قارجىلاندىرۋ ەنگىزىلدى. وسىعان سايكەس، كوللەدجدەردە مەملەكەتتىك تاپسىرىس بويىنشا ءبىر ءبىلىم الۋشىعا جۇمسالاتىن شىعىندار جىلىنا ورتا ەسەپپەن 504 مىڭ تەڭگە.
وقىتۋشىلار مەن وندىرىستىك وقىتۋ شەبەرلەرى رەسەيدىڭ (ماسكەۋ، تاتارستان)، بەلارۋستىڭ، نورۆەگيانىڭ، مالايزيانىڭ، فينليانديانىڭ، ۇلىبريتانيانىڭ، گەرمانيانىڭ شەتەلدىك وقۋ ورتالىقتارىندا تاعىلىمدامادان وتەدى.
شىعىس قازاقستان العاشقى بولىپ، 2014 جىلدان باستاپ "ماڭگىلىك ەل جاستارى-يندۋسترياعا!"- "سەرپىن-2050" مەملەكەتتىك باعدارلاماسىن ىسكە اسىردى. بيىلعى وقۋ جىلىندا "سەرپىن" باعدارلاماسى بويىنشا ءوڭىردىڭ 7 كوللەدجىندە 142 ستۋدەنت ءبىلىم الۋدا.
ءتورت جىل بۇرىن مودۋلدىك-قۇزىرەتتىلىك ءتاسىلدى قولدانۋ باستالىپ،ونىڭ شەڭبەرىندە مامانداردى دايارلاۋ وقىتۋدىڭ ەكى دەڭگەيلى مودەلى جۇرگىزىلەدى. بۇگىندە ول 59 كوللەدجدە 79 ماماندىق بويىنشا ەنگىزىلگەن.
كوللەدجدەردى جاڭعىرتۋ ماقساتىندا 2020 جىلدان باستاپ «جاس مامان» جوباسى بويىنشا 3 ملرد 24 ملن تەڭگە سوماسىنا حالىقارالىق ستاندارتتارعا سايكەس جابدىقتالعان 10 قۇزىرەتتىلىك ورتالىعى جۇمىس ىستەيدى.
وسى جىلدىڭ قىركۇيەك ايىنان باستاپ تجكب ۇيىمدارىندا اكادەميالىق دەربەستىك ەنگىزىلدى.
وقۋ ورىندارىندا ستۋدەنتتەر مەن تۇلەكتەردى WorldSkills تالاپتارى بويىنشا ەمتيحان تۇرىندە وقىتۋ ناتيجەلەرىن باعالاۋدىڭ جاڭا جۇيەسى جۇمىس ىستەيدى. وبلىس ستۋدەنتتەرى WorldSkills بايقاۋىنا قاتىسادى. ەكى جىل قاتارىنان رەسپۋبليكالىق بايقاۋدا شقو قۇراما كومانداسى ءبىرىنشى ورىنعا يە بولدى. قازان قالاسىندا وتكەن حالىقارالىق بايقاۋدا ءبىزدىڭ بالالار قولا مەدالعا قول جەتكىزىپ، «مەحاترونيكا» قۇزىرەتتىلىگى بويىنشا كاسىبيلىگى ءۇشىن مەدالىن جانە ۆest of Nation مەدالىن جەڭىپ الدى. مۇنداي جەڭىستى ناتيجەمەن قازاقستان كومانداسىن 14-ورىنعا كوتەردى.
ەلباسى نۇرسۇلتان ءابىش ۇلى نازاربايەۆتىڭ بەس الەۋمەتتىك باستاماسىن ورىنداۋ ماقساتىندا ستۋدەنت جاستاردىڭ جاتاقحاناداعى جاعدايىن جاقسارتۋ ءۇشىن كوللەدج ستۋدەنتتەرى ءۇشىن 7 جاتاقحانا اشىلدى.
قورىتا ايتقاندا، وڭىردە «بىلىكتى مامان» جوباسى تابىستى ىسكە اسىرىلىپ جاتقانىن اتاپ ءوتۋ كەرەك. ءبىلىم بەرۋدە قول جەتكىزىلگەن كورسەتكىشتەر تاۋەلسىز قازاقستاننىڭ يگىلىگى ءۇشىن جۇمىس ىستەيتىن بىلىكتى مامانداردى دايارلاۋ جونىندەگى جوسپارلى جۇمىستىڭ ناتيجەسى بولىپ تابىلادى، دەپ اتاپ ءوتتى دەرەككوز.
