Shyǵys Qazaqstan oblysynda "Taza Qazaqstan" aýqymdy ekologiialyq aktsiiasy jalǵasýda. Osy apta tarihi-mádeni eskertkishter aýmaǵyn abattandyrý jumystaryna arnalǵan jáne "Kieli meken" ataýymen ótýde, – dep habarlaidy Dalanews.kz ShQO ákiminiń baspasóz qyzmetine silteme jasap.
Ekoaktsiiany Shyǵys Qazaqstan turǵyndary belsendi qoldaýda. Búgin jýrnalister, eriktiler, sondai-aq Ulan aýdanynyń turǵyndary "Aqbaýyr" qola dáýiriniń biregei kesheniniń aýmaǵyn tazartty.
– Týǵan jerdi taza ustaý, eń aldymen, bolashaq urpaq úshin óte mańyzdy, – dep atap ótti QR Jýrnalister Odaǵynyń ShQ oblystyq filialynyń tóraǵasy Merei Qainaruly. Ásirese ishki týrizmniń draiveri bolyp tabylatyn tarihi eskertkishterge qamqorlyq jasaý qajet. Aimaqtyń jýrnalisteri ekoaktsiiany qýana qoldady.
Ulan aýdany ákiminiń orynbasary Qýat Oqasovtyń aitýynsha, aktsiia aiasynda ardagerlerdiń qatysýymen "Aqbaýyr" eskertkishi men Besterek aýylyndaǵy arheologiialyq murajai aýmaǵyna 50 kóshet otyrǵyzý josparlanǵan.
– Aktsiianyń keibir qatysýshylary buǵan deiin "Aqbaýyrda" bolmaǵan, olar úshin bul mádeni turǵydan aǵartýshylyq, – dep bólisti murajai mamany Maksim Polovtsev. Olar biregei keshenniń aýmaǵynda serýendep, osy jerdiń energiiasymen zariadtaldy.
