Shyǵys Qazaqstan oblysynda qys mezgiline daiyndyq júrgizilip jatyr, dep habarlaidy Dalanews.kz
Jyl saiyn Shyǵystyń qaharly qysynda jolda qalatyn kólikter az emes. Tipti 12 saǵattap qar qursaýynda qalýǵa májbúr bolyp jatady.
Endi 1 qarashadan bastap óńirde joldardaǵy jaǵdai, paidalanylyp jatqan tehnika jáne tótenshe oqiǵalarǵa jedel den qoiý boiynsha táýlik boiy kezekshilik uiymdastyrylady. Bul týraly oblystyq Jolaýshy kóligi jáne avtomobil joldary basqarmasynan málim etti.
Kún saiyn tańerteń joldardyń jai-kúiine qatysty jinaqtalǵan aqparat tótenshe jaǵdailar qyzmetine, politsiiaǵa jáne oblys ákiminiń orynbasaryna jetkizilip otyrylmaq.
- Jol uiymdarynyń, politsiia bólimsheleriniń, tótenshe jaǵdailar qyzmetiniń, qala jáne aýdan ákimdikteriniń is-qimyl jospary jasaldy. Sondai-aq barlyq jol qyzmetterimen, trassalyq meditsinalyq-qutqarý pýnktterimen jáne aýyldyq okrýg ákimdikterimen bailanys ornatylǵan. Ótken qysta úilesimdi jumystyń arqasynda qaiǵyly oqiǵalar bolǵan joq, - dedi basqarma basshysynyń orynbasary Nurbek Turarov.
