Oblystyq densaýlyq saqtaý basqarmasy usynǵan statistikaǵa sáikes, 2020 jyldyń birinshi jarty jyldyǵynda bakteriialyq pnevmoniiamen syrqattanǵandardyń sany ótken jyldardyń uqsas kezeńderinen asa kóp emes. Mysaly, 2018 jyly jarty jyl ishinde 6138 aýrý jaǵdaiy tirkeldi, onyń ishinde 95 adam qaitys bolsa, aǵymdaǵy jyldyń qańtarynan maýsym aiyna deiin 4937 pnevmoniiamen aýyratyndar tirkeldi, qaitys bolǵandar sany 79 adamdy qurady.
Degenmen, koronavirýstyq infektsiianyń álemdik pandemiiaǵa bailanysty búkil respýblika boiynsha kovidti pnevmoniiamen aýyrǵandar sanynyń ósýi baiqalýda.
- Shyǵys Qazaqstan oblysynda - kompiýterlik tomografiia apparattarynyń sany kóp, - deidi óńirdiń bas pýlmonology Zagripa Ábdieva. - Sondyqtan ókpeniń zaqymdaný dárejesi 3-5 paiyzdy quraǵan kezde, eń erte kezeńderde kovidti pnevmoniiany anyqtaimyz jáne diagnostikalaimyz. Mundai naýqastar bizde sátti emdelýde.
Ókinishke orai, adamdar tekserilmegen aqparatqa senýge úirengen. Jaqynda ǵana qytailyq BAQ Qazaqstanda ólimge ákeletin pnevmoniia týdyratyn jańa virýstyń paida bolýy týraly málimetterdi taratqan bolatyn, alaida bul shyndyqqa sáikes kelmeidi.
Bul týraly brifingte QR densaýlyq saqtaý ministri Aleksei Tsoi habarlaǵan. Zagripa Ábdievanyń aitýynsha, qazirgi tańda aýrýdyń jiktelýin ózgertý jumystary júrgizilip jatyr, bul pnevmoniianyń ártúrli túrlerimen: bakteriialyq, virýstyq, sańyraýqulaqtyq jáne anyqtalmaǵan etiologiiamen syrqattanýshylyq sany boiynsha naqty statistikany jasaýǵa múmkindik beredi.
- Koronavirýs pnevmoniia týdyrady, bul eshkimge qupiia emes, - deidi pýlmonolog. - Árine, infektsiianyń taralýyna bailanysty virýstyq pnevmoniia statistikasy da ósti, sebep-saldarlyq bailanys túsinikti. Taǵy bir másele, óńirde tósek-oryn, dári-dármek jáne aýrýdy jeńý úshin qajetti tehnika jetkilikti. Bizde pnevmoniianyń erte satylarynda joǵary deńgeide anyqtaý múmkindigi bar.
Bul patsientterdiń áńgimelerimen rastalady. Mysaly, Semei qalasynyń ákimi Ermak Sálimovten pnevmoniia erte kezeńde anyqtaldy, sondyqtan ol emdelýden ótip, saýyǵyp, jumysqa kiristi.
Meditsina qyzmetkerleri halyqty syrttan kelgen aqparattan týyndaǵan úreige ushyramaýǵa, óz jaǵdaiyn baqylaýǵa jáne simptomdar anyqtalǵan jaǵdaida kómekke júginýge shaqyrady. Kompiýterlik tomografiia apparattary 24/7 jumys isteidi, bul pnevmoniianyń kez kelgen túrin der kezinde anyqtaýǵa jáne qajetti em alýǵa múmkindik beredi.
