Sodan beri dostyq úıinde ultaralyq kelisim arta túsip, salt-dástúr, halyqtar mádenıeti damydy. Eń bastysy, árbir ult ókiliniń boıynda qazaqstandyq patrıotızm oıandy.
"Aq nıet" vokaldyq ujymynyń qatysýshysy, musylman áıelder birlestiginiń múshesi Maıra Mýrsalımovanyń aıtýynsha, Tuńǵysh Prezıdent kelgende qoldanysqa berilgen dostyq úıi ashylǵaly beri tarıhı muralardyń sany artqan.
Ol Elbasymen kezdesýin erekshe tolǵanyspen eske alady. Óıtkeni 1998 jyly Qazaqstan halqy Assambleıasynyń basshysy óz qolymen onyń nemeresiniń tusaýyn kesken. Qazir ol bala er jetip, elimizdiń beldi azamatyna aınaldy. Onyń ájesi bul qýanyshty oqıǵany taǵdyrdyń tartýy dep sanaıdy.
SHQO QHA qoǵamdyq kelisim keńesiniń tóraǵasy, Qazaqstan halqy Assambleıasynyń múshesi Leo Shık Nursultan Nazarbaevpen kezdesýi máńgi jadynda saqtalatynyn atap aıtty.
- Ult kóshbasshysynyń kelýi shyǵysqazaqstandyqtar úshin úlken mereke boldy. Ol dostyq úıiniń ashylýynda árbir qatysýshynyń júreginen oryn taba biletin sózderdi aıtty. Sóz sońynda Tuńǵysh Prezıdent etnos aralyq tatýlyqty saqtaýǵa úles qosqan barlyq azamattarǵa alǵysyn bildirdi,- dedi Leo Shık.
"Jańǵyrý joly" óńirlik jastar qozǵalysynyń kóshbasshysy, "Vaınah" sheshen-ıngýsh horeografıalyq ansambliniń kórkemdik jetekshisi Ravıl Iýnýsovtyń aıtýynsha, dostyq úıi onyń ómirinde úlken ról atqarady. Ol munda eń alǵash ret lezgınka bıin úırený úshin kelipti.
Ol Nursultan Nazarbaevtyń keler aldynda, jaqsy áser qaldyrý úshin ujymmen birlesip, kóp saǵattyq daıyndyq júrgizilgenin eske alady. Qazir Ravıl:"Nazarbaev maǵan Otan úshin eńbek etýdi úıretti. Ultaralyq tatýlyqty saqtaý úshin bereke men birlik kerek ekenin uǵyndyrdy" deıdi
