سودان بەرى دوستىق ۇيىندە ۇلتارالىق كەلىسىم ارتا ءتۇسىپ، ءسالت-داستۇر، حالىقتار مادەنيەتى دامىدى. ەڭ باستىسى، ءاربىر ۇلت وكىلىنىڭ بويىندا قازاقستاندىق پاتريوتيزم وياندى.
"اق نيەت" ۆوكالدىق ۇجىمىنىڭ قاتىسۋشىسى، مۇسىلمان ايەلدەر بىرلەستىگىنىڭ مۇشەسى مايرا مۋرساليموۆانىڭ ايتۋىنشا، تۇڭعىش پرەزيدەنت كەلگەندە قولدانىسقا بەرىلگەن دوستىق ءۇيى اشىلعالى بەرى تاريحي مۇرالاردىڭ سانى ارتقان.
ول ەلباسىمەن كەزدەسۋىن ەرەكشە تولعانىسپەن ەسكە الادى. ويتكەنى 1998 جىلى قازاقستان حالقى اسسامبلەياسىنىڭ باسشىسى ءوز قولىمەن ونىڭ نەمەرەسىنىڭ تۇساۋىن كەسكەن. ءقازىر ول بالا ەر جەتىپ، ەلىمىزدىڭ بەلدى ازاماتىنا اينالدى. ونىڭ اجەسى بۇل قۋانىشتى وقيعانى تاعدىردىڭ تارتۋى دەپ سانايدى.
شقو قحا قوعامدىق كەلىسىم كەڭەسىنىڭ ءتوراعاسى، قازاقستان حالقى اسسامبلەياسىنىڭ مۇشەسى لەو شيك نۇرسۇلتان نازاربايەۆپەن كەزدەسۋى ماڭگى جادىندا ساقتالاتىنىن اتاپ ايتتى.
- ۇلت كوشباسشىسىنىڭ كەلۋى شىعىسقازاقستاندىقتار ءۇشىن ۇلكەن مەرەكە بولدى. ول دوستىق ءۇيىنىڭ اشىلۋىندا ءاربىر قاتىسۋشىنىڭ جۇرەگىنەن ورىن تابا بىلەتىن سوزدەردى ايتتى. ءسوز سوڭىندا تۇڭعىش پرەزيدەنت ەتنوس ارالىق تاتۋلىقتى ساقتاۋعا ۇلەس قوسقان بارلىق ازاماتتارعا العىسىن ءبىلدىردى،- دەدى لەو شيك.
"جاڭعىرۋ جولى" وڭىرلىك جاستار قوزعالىسىنىڭ كوشباسشىسى، "ۆايناح" شەشەن-ينگۋش حورەوگرافيالىق ءانسامبلىنىڭ كوركەمدىك جەتەكشىسى راۆيل يۋنۋسوۆتىڭ ايتۋىنشا، دوستىق ءۇيى ونىڭ ومىرىندە ۇلكەن ءرول اتقارادى. ول مۇندا ەڭ العاش رەت لەزگينكا ءبيىن ۇيرەنۋ ءۇشىن كەلىپتى.
ول نۇرسۇلتان نازاربايەۆتىڭ كەلەر الدىندا، جاقسى اسەر قالدىرۋ ءۇشىن ۇجىممەن بىرلەسىپ، كوپ ساعاتتىق دايىندىق جۇرگىزىلگەنىن ەسكە الادى. ءقازىر راۆيل:"نازاربايەۆ ماعان وتان ءۇشىن ەڭبەك ەتۋدى ۇيرەتتى. ۇلتارالىق تاتۋلىقتى ساقتاۋ ءۇشىن بەرەكە مەن بىرلىك كەرەك ەكەنىن ۇعىندىردى" دەيدى
