Belgilegen meje boiynsha 2022 jyly el azamattarynyń tsifrlyq saýattylyq deńgeii 83 paiyzdy quraý kerek. Qazirgi tańda «Tsifrly Qazaqstan» memlekettik baǵdarlamasy Shyǵys Qazaqstan oblysynda sátti júzege asýda. Ony qazirdiń ózinde óńirdegi halyqtyń tsifrlyq saýattylyq deńgeii 84,1 paiyzǵa kóterilgeninen ańǵarýǵa bolady.
Búginde onlain tólemder, elektrondy qyzmetterdi paidalaný, messendjerlerdiń kómegine júginý kúndelikti úirenshikti jaitqa ainalǵany belgili. Osyndai zamanaýi úrdister el ómirine erkin kirgennen keiin Úkimet «Tsifrly Qazaqstan» memlekettik baǵdarlamasyn qabyldap, bul baǵyttaǵy jumystardy júielep, tsifrlyq qyzmettiń halyq úshin qol jetimdi, ońai bolýyn qamtamasyz etýge kúsh salyp keledi.
Qazirgi tańda elektrody úkimet portaly arqyly el azamattary sapaly memlekettik qyzmetke qol jetkizip otyr. Búginde túrli anyqtamalar, ótinish berý, esepke qoiý, litsenziia alý syndy jumystardy úiden shyqpai-aq osy portalǵa júginip bitirýge bolady.
Sol siiaqty bank, poshta qyzmeti de ózderiniń jumysyn elektrody formatqa kóshirip, jumystaryn jeńildetýge barynsha kúsh salyp jatqanyn kórip otyrmyz.
Jýrnalsitermen júzdesýde ShQO Tsifrlandyrý basqarmasynyń basshysy Marina Gagarina shyǵysqazaqstandyqtardy tsifrlyq saýattylyǵyn arttyrýda bes oqytý baǵdaralamasy negizin júzege asyp jatqanyn alǵa tartty.
Biyldyń ózinde óńir turǵyndary 9,7 mln memlekettik qyzmetti paidalaǵan. Sonyń 9,6 milliony elektrony formatta júzege asyp, oblysta memlekettik elektrondy qyzmetti tutyný kórsetkishi 98,7 paiyzdy quraǵan. Osy rette ShQO-nyń árbir aýdanyndaǵy 22 ortalyqta 578 óz-ózine elektronyd qyzmet kórsetý buryshtary qurylǵanyn aita ketýimiz kerek.
Budan basqa ShQO-nyń barlyq aýdan ortalyqtaryndaǵy injenerlik jelilerdi tsifrlandyrý isi qarqyn alyp, óńirdiń geomálimetteri Memlekettik jer kadastry men Biriktirilgen memlekettik jyljymaityn múlik kadastryna qosylǵanyn atap aitýǵa bolady.
Qazirgi tańda atalǵan júiege tirkelýishlerdi sany 120 myńnan asyp, portalǵa 64 mln ótinish kelip túsken.
