قازىرگى تاڭدا ەلىمىزدە «سيفرلى قازاقستان» مەملەكەتتىك باعدارلاماسى جۇزەگە اسۋدا. اتالعان باعدارلاما بويىنشا حالىقتىڭ سيفرلىق ساۋاتتىلىق دەڭگەيىن كەزەڭ-كەزەڭمەن كوتەرۋ قاراستىرىلعان.
بەلگىلەگەن مەجە بويىنشا 2022 جىلى ەل ازاماتتارىنىڭ سيفرلىق ساۋاتتىلىق دەڭگەيى 83 پايىزدى قۇراۋ كەرەك. قازىرگى تاڭدا «سيفرلى قازاقستان» مەملەكەتتىك باعدارلاماسى شىعىس قازاقستان وبلىسىندا ءساتتى جۇزەگە اسۋدا. ونى ءقازىردىڭ وزىندە وڭىردەگى حالىقتىڭ سيفرلىق ساۋاتتىلىق دەڭگەيى 84،1 پايىزعا كوتەرىلگەنىنەن اڭعارۋعا بولادى.
بۇگىندە ونلاين تولەمدەر، ەلەكتروندى قىزمەتتەردى پايدالانۋ، مەسسەندجەرلەردىڭ كومەگىنە جۇگىنۋ كۇندەلىكتى ۇيرەنشىكتى جايتقا اينالعانى بەلگىلى. وسىنداي زاماناۋي ۇردىستەر ەل ومىرىنە ەركىن كىرگەننەن كەيىن ۇكىمەت «سيفرلى قازاقستان» مەملەكەتتىك باعدارلاماسىن قابىلداپ، بۇل باعىتتاعى جۇمىستاردى جۇيەلەپ، سيفرلىق قىزمەتتىڭ حالىق ءۇشىن قول جەتىمدى، وڭاي بولۋىن قامتاماسىز ەتۋگە كۇش سالىپ كەلەدى.
قازىرگى تاڭدا ەلەكترودى ۇكىمەت پورتالى ارقىلى ەل ازاماتتارى ساپالى مەملەكەتتىك قىزمەتكە قول جەتكىزىپ وتىر. بۇگىندە ءتۇرلى انىقتامالار، ءوتىنىش بەرۋ، ەسەپكە قويۋ، ليسەنزيا الۋ سىندى جۇمىستاردى ۇيدەن شىقپاي-اق وسى پورتالعا جۇگىنىپ بىتىرۋگە بولادى.
سول سياقتى بانك، پوشتا قىزمەتى دە وزدەرىنىڭ جۇمىسىن ەلەكترودى فورماتقا كوشىرىپ، جۇمىستارىن جەڭىلدەتۋگە بارىنشا كۇش سالىپ جاتقانىن كورىپ وتىرمىز.
جۋرنالسيتەرمەن جۇزدەسۋدە شقو سيفرلاندىرۋ باسقارماسىنىڭ باسشىسى مارينا گاگارينا شىعىسقازاقستاندىقتاردى سيفرلىق ساۋاتتىلىعىن ارتتىرۋدا بەس وقىتۋ باعدارالاماسى نەگىزىن جۇزەگە اسىپ جاتقانىن العا تارتتى.
بيىلدىڭ وزىندە ءوڭىر تۇرعىندارى 9،7 ملن مەملەكەتتىك قىزمەتتى پايدالاعان. سونىڭ 9،6 ميلليونى ەلەكترونى فورماتتا جۇزەگە اسىپ، وبلىستا مەملەكەتتىك ەلەكتروندى قىزمەتتى تۇتىنۋ كورسەتكىشى 98،7 پايىزدى قۇراعان. وسى رەتتە شقو-نىڭ ءاربىر اۋدانىنداعى 22 ورتالىقتا 578 وز-وزىنە ەلەكترونىد قىزمەت كورسەتۋ بۇرىشتارى قۇرىلعانىن ايتا كەتۋىمىز كەرەك.
بۇدان باسقا شقو-نىڭ بارلىق اۋدان ورتالىقتارىنداعى ينجەنەرلىك جەلىلەردى سيفرلاندىرۋ ءىسى قارقىن الىپ، ءوڭىردىڭ گەومالىمەتتەرى مەملەكەتتىك جەر كاداسترى مەن بىرىكتىرىلگەن مەملەكەتتىك جىلجىمايتىن مۇلىك كاداسترىنا قوسىلعانىن اتاپ ايتۋعا بولادى.
قازىرگى تاڭدا اتالعان جۇيەگە تىركەلۋىشلەردى سانى 120 مىڭنان اسىپ، پورتالعا 64 ملن ءوتىنىش كەلىپ تۇسكەن.
