ShQO ákimi Nurymbet Saqtaǵanov óńirdergi týristtik nysandardyń qazirgi jaǵdaiy jáne týrizm salasynyń damýy máselesine arnalǵan keńes ótkizdi,- dep habarlaidy Dalanews.kz
Jiynda Týrizm basqarmasy, Jolaýshy kóligi jáne avtomobil joldary basqarmasy, Tótenshe jaǵdailar departamentiniń basshysy jazǵy demalys maýsymyndaǵy jaǵdai týraly baiandady.
Týristterge tartymdy óńir bolyp tabylatyn Shyǵys Qazaqstanda 371 demalys nysany tirkelgen. Jazǵy maýsym endi ashylǵanyna qaramastan oblysqa 100 myń demalýshy kelgenin aita ketsek, onyń 5 myńy sheteldik týristter. Boljam boiynsha olardyń qatary kúnnen kúnge artyp keledi.
Aimaq basshysy osyny eskere otyra oblys turǵyndary men qonaqtarynyń laiyqty demalýyn qamtamasyz etý maqsatynda eń birinshi joldardy, onyń ishinde jol boiynda qyzmet kórsetetin nysandardyń jaǵdaiyn, shomylý oryndaryndaǵy qaýipsizdikti, meditsinalyq kómek kórsetý, internet pen bailanysty qamtamasyz etýdi qatań qadaǵalaýdy tapsyrdy.
«Memleket basshysy Qasym-Jomart Toqaevtyń elimizdegi týristtik nysandarǵa qatysty eskertýindegi kemshilikter ókinishke qarai bizdiń óńirimizde de kezdesip jatyr. Týrizm - ol áýejai, avto-temirjol beketi, joldyń jaǵdaiy, kórsetiletin qyzmetten bastalady. Barlyǵy joǵary dárejede bolýy shart. Áleýmettik jelide týristtik nysandarǵa qatysty halyqtyń jazǵan shaǵymdary jiti baqylaýymda. Azamattardyń ár aryzdary boiynsha jumys júrgiziledi», - dep atap ótti Nurymbet Saqtaǵanov.
Osy oraida oblys ákimi týristtik nysandardyń qazirgi jaǵdaiyn tekserý úshin kelesini tapsyrdy:
- Týrizm basqarmasyna arnaiy top quryp, ár demalys oryndaryn jiti qarap, nátijesinde saraptamalyq aqparat usyný;
- Qala jáne aýdan ákimderi Tótenshe jaǵdailar departamenti men sanitariialyq-epidemiologiialyq qyzmet organdarymen birigip tamaqtaný jáne demalý oryndaryn tekserý;
- Jolaýshy kóligi jáne avtomobil joldary basqarmasy QazAvtoJolmen birge jol boiyndaǵy sanitarlyq-gigienalyq toraptardy ashý;
- Iesiz shomylý oryndaryn kásipkerlerge berip, sáikesinshe biznestiń demalyshýlarǵa tiisti qyzmet usynýyn qamtamasyz etý;
- Adamdar jii shoǵyrlanatyn jerlerde týristtik aqparattyq saitaryna silteme jasaityn QR kodtar ornatý:
- Qala jáne aýdan ákimderi halyq shomylatyn jaǵajailarda kiinetin oryndary men sanitarlyq-gigienalyq toraptardyń (dárethana) sanyn arttyrý;
- Týristterdiń demalys oryndarynda Densaýlyq basqarmasy jedel járdem kólikterin sanyn arttyrý, Tótenshe jaǵdailar departamenti úzdiksiz patrýldeýdi qamtamsyz etý;
- Politsiia departamenti qoǵamdyq demalys oryndarynda tártipti jáne shaǵyn kólemdi kemelerdiń josyqsyz júrmeýin qadaǵalaý.
«Eń bastysy týristerdiń qaýipsizdigi men jaily demalysy. Týristtik áleýeti zor Shyǵys óńirine kelýshilerdiń qatary jyl sanap artyp keledi. Sáikesinshe jergilikti atqarýshy organdar da soǵan laiyq jaǵdai jasaýymyz qajet jáne oǵan degen talap ta kúsheitiletin bolady», - dedi Nurymbet Saqtaǵanov.
