S.Amanjolov atyndaǵy ShQMÝ-da «Taza Qazaqstan» ekologiialyq baǵdarlamasy aiasynda «Ekoádet» jobasynyń ekoaktivisti, volonteri jáne ekokásipkeri Liýdmila Evjenkova men oblystyq volonterlik front-ofistiń jetekshisi Ádilbekov Aidostyń qatysýymen, «Jasyl tolqyn» ǵylymi ekologiialyq klýbynyń belsendiler jiyny bolyp ótti.
Kezdesý barysynda qorshaǵan ortaǵa uqypty qaraý, ekologiialyq sanany qalyptastyrý jáne «Taza Qazaqstan» baǵdarlamasyn júzege asyrýdyń mańyzy talqylandy.
Kezdesýge qatysýshylar kúndelikti ómirde ekologiialyq ádetterdi qalai engizý kerektigi jóninde kóptegen qundy keńester aldy. Liýdmila Evjenkova óz tájiribesimen bólisip, jastardy tabiǵatty qorǵaý úshin belsendi áreket jasaýǵa shaqyrdy. Onyń aitýynsha, ekologiialyq sanaly ádetterdi engizý arqyly qoǵamdaǵy ekologiialyq jaǵdaidy jaqsartýǵa úles qosýǵa bolady.
Aidos Ádilbekov, oblystyq volonterlik front-ofis jetekshisi, óz sózinde «Taza Qazaqstan» baǵdarlamasynyń aiasynda aǵartýshylyq qyzmetteriniń damýy týraly aitty. Bul baǵdarlamanyń basty maqsaty – jastardy ekologiialyq volonterlik bastamalarǵa tartý jáne ekologiialyq mádenietti qalyptastyrý. Ádilbekov atap ótkendei, ekologiiany qorǵaýda jas urpaq mańyzdy ról atqarady, sondyqtan olar úshin lektsiialar, seminarlar jáne tájiribelik sabaqtar uiymdastyrylady.
«Taza Qazaqstan» baǵdarlamasynyń aiasynda kóptegen sharalar ótkizilýde. Baǵdarlama bastalǵannan beri 541 myń adam senbilikterge qatysyp, 6,5 myńnan astam tehnika paidalanyldy. Sondai-aq, 204 saiabaq pen skver, 323 tarihi-mádeni eskertkish jáne 859 áleýmettik nysan tazartyldy. Tazalaý jumystary aiasynda 7 myń sý nysany, 26 sýburqaq jáne 370 shaqyrym aryq tazartyldy, al 82 myń aýlalyq aýmaqtan 29 myń tonna qoqys shyǵaryldy. Ekologiialyq aktsiialar aiasynda 105 myńnan astam kóshet otyrǵyzyldy.
«Taza beisenbi», «Taza aimaq» jáne «TazaLike» siiaqty aktsiialar uiymdastyrylyp, qalalar men aýdandarda apta saiyn senbilikter ótkiziledi. Sonymen qatar, biylǵy 5 shildeden bastap messendjerlerde arnaiy bot iske qosylyp, turǵyndardan 290-nan astam ótinim qabyldandy.
Bul ótinimder ákimdikter tarapynan tolyq oryndaldy.
«Taza Qazaqstan» baǵdarlamasy aiasynda ekologiialyq sanany qalyptastyrý jáne qorshaǵan ortany qorǵaý boiynsha is-sharalar jalǵasýda.
