Tikeleı efır barysynda, Jiger Baıdildın Memleket basshysynyń 2019 jylǵy 2 qyrkúıektegi «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda bastamashylyq etken «Halyq únine qulaq asatyn memleket» tujyrymdamasyn agenttik dáıekti túrde iske asyryp jatqanyn túsindirdi.
2019 jyly Agenttik tóraǵasy azamattardy qabyldaýdy aı saıynǵy qabyldaýdan aptaǵa ózgertken bolatyn. Búginde SHQO-da aýmaqtyq departament basshylary, onyń ishinde SHQO boıynsha sybaılas jemqorlyqqa qarsy qyzmet basshylyǵy azamattardy kún saıyn qabyldaýda. Alys eldi mekenderdiń turǵyndary beınekonferensıa arqyly júzdesý múmkindigine ıe bolǵan.
Óńirde azamattardyń ótinishine der kezinde jaýap berip, elimizdiń sybaılas jemqorlyqqa qarsy saıasattyn túsindirý jumystary qarqyndy júrgizilýde. «Ashyq dıalog» portalynda turaqty túrde ınternet-konferensıa ótýde. Árbir ótinish muqıat qaralady jáne jedel túrde jan-jaqty sharalar qabyldanady.
– Halyqpen keri baılanysty qalyptastyrý, júgingen adamdarǵa kedergisiz qyzmet kórsetý maqsatynda «Antikor ortalyģy» front-keńsesi – SHQO sybaılas jemqorlyqqa qarsy qyzmetiniń servıstik ortalyǵy ashyldy. Servıstik ortalyqta azamattardy jedel jáne kedergisiz qabyldaý jáne keńes berý, baspasóz konferensıalaryn ótkizý úshin jaǵdaı jasalǵan. Kez kelgen azamata atalǵan ortalyqqa kelip, sybaılas jemqorlyqqa qarsy bastamalardy talqylaýǵa qatysa alady, – dep atap ótti Jiger Baıdildın.
