Óskemendegi «Titan» at sport klýbynyń «ippoterapiia» ádisin qoldanyp ońaltýdyń oń áseri Shyǵys Qazaqstan oblysynyń basqa aýdandaryna da tarady. Aǵymdaǵy jyly jobany Ridder qalasynda jáne Ulan aýdanynda júzege asyrý josparlanýda. Bul týraly Shyǵys Qazaqstan oblysynyń ákimi Nurymbet Saqtaǵanov «Shyǵys arǵymaǵy» jylqy kórmesinde aitty, - dep habarlaidy Dalanews.kz
"Qazaqstan Paralimpiada quramasynyń quramy jeti adamnan tursa, onyń altaýy bizdiń sportshylarymyz ekenin erekshe maqtanyshpen atap ótkim keledi. Jylda bizdiń sportshylar halyqaralyq jarystarda tek birinshi oryndardan kórinedi. Arnaiy Olimpiada baǵdarlamasyndaǵy at sporty erekshe maqtanyshqa laiyq. Bizdiń komanda Los-Andjelestegi Búkilálemdik jazǵy oiyndarǵa, Máskeýde ótken halyqaralyq jarystarǵa qatysyp, eki altyn, bes kúmis jáne bir qola medal jeńip aldy", - dedi oblys ákimi.
2009 jyldan bastap klýb erekshe balalar densaýlyǵyn qalpyna keltirýdiń jańa baǵytyn sátti júzege asyryp, ippoterapiia ádisin qoldaný arqyly saýyqtyrý sabaqtaryn ótkizetin ádistemelik ortalyqqa ainaldy.
