وسكەمەندەگى «تيتان» ات سپورت كلۋبىنىڭ «يپپوتەراپيا» ءادىسىن قولدانىپ وڭالتۋدىڭ وڭ اسەرى شىعىس قازاقستان وبلىسىنىڭ باسقا اۋداندارىنا دا تارادى. اعىمداعى جىلى جوبانى ريددەر قالاسىندا جانە ۇلان اۋدانىندا جۇزەگە اسىرۋ جوسپارلانۋدا. بۇل تۋرالى شىعىس قازاقستان وبلىسىنىڭ اكىمى نۇرىمبەت ساقتاعانوۆ «شىعىس ارعىماعى» جىلقى كورمەسىندە ايتتى، - دەپ حابارلايدى Dalanews.kz
"قازاقستان پاراليمپيادا قۇراماسىنىڭ قۇرامى جەتى ادامنان تۇرسا، ونىڭ التاۋى ءبىزدىڭ سپورتشىلارىمىز ەكەنىن ەرەكشە ماقتانىشپەن اتاپ وتكىم كەلەدى. جىلدا ءبىزدىڭ سپورتشىلار حالىقارالىق جارىستاردا تەك ءبىرىنشى ورىنداردان كورىنەدى. ارنايى وليمپيادا باعدارلاماسىنداعى ات سپورتى ەرەكشە ماقتانىشقا لايىق. ءبىزدىڭ كوماندا لوس-اندجەلەستەگى بۇكىلالەمدىك جازعى ويىندارعا، ماسكەۋدە وتكەن حالىقارالىق جارىستارعا قاتىسىپ، ەكى التىن، بەس كۇمىس جانە ءبىر قولا مەدال جەڭىپ الدى"، - دەدى وبلىس اكىمى.
2009 جىلدان باستاپ كلۋب ەرەكشە بالالار دەنساۋلىعىن قالپىنا كەلتىرۋدىڭ جاڭا باعىتىن ءساتتى جۇزەگە اسىرىپ، يپپوتەراپيا ءادىسىن قولدانۋ ارقىلى ساۋىقتىرۋ ساباقتارىن وتكىزەتىن ادىستەمەلىك ورتالىققا اينالدى.
