Shyǵys Qazaqstan oblysynda 15 mamyrdan sel qaýpi joǵary kezeń bastaldy. Katonqaraǵai, Zaisan, Altai aýdandarynda jáne Ridder qalasynda barlyǵy 13 sel júrýdiń qaýipti oshaǵy bar, dep habarlaidy Dalanews.kz
Atalǵan aýdandardaǵy taýlardyń joǵarǵy jaqtarynda 11 eldi mekenge qaýip tóndiretin 144 morenalyq kól qalyptasqan. Sel qaýpi bar kezeńde «Qazseldenqorǵaý» MM mamandary kólderdiń jai-kúiin, sel men syrǵyma aǵyndaryn qalyptastyrýǵa yqpal etetin faktorlardy baqylaýda ustaidy.
Oblysta syrǵyma qaýpi bar 9 ýchaske bar: Gromotýha jáne Ýba – Ridder, Buqtyrma, Hamir, Chernovaia – Altai aýdany, Buqtyrma – Katonqaraǵai aýdany, Kendirlik – Zaisan aýdany.
Qaýipsizdik maqsatynda sel júrý qaýpi bar ýchaskelerde 20 eskertý jáne tyiym salý qalqandary; syrǵyma júrý qaýpi bar ýchaskelerde 18 qalqan ornatyldy. Kóshkin sel jáne syrǵyma qaýpi bar aýdandardyń jergilikti atqarýshy organdaryna, ǵimarattary qaýpi bar ýchaskelerde ornalasqan kásiporyn basshylaryna, jeke úi ielerine eskertý paraqshalary taratyldy.
Sel, syrǵyma jaǵdaiyna monitoring júrgizý úshin 9 maýsymdyq gidropost jáne jyl boiy jumys isteitin 1 gidropost ornatylǵan.
ShQO TJD jáne «Qazseldenqorǵaý» MM ShQO filialynyń mamandary sel, syrǵyma júrý qaýpi joǵary kezeńde taýǵa shyǵýǵa bolmaidy.
Tótenshe jaǵdai týyndaǵan jaǵdaida 112 nómirine habarlasý qajet.
