شىعىس قازاقستان وبلىسىندا 15 مامىردان سەل ءقاۋپى جوعارى كەزەڭ باستالدى. كاتونقاراعاي، زايسان، التاي اۋداندارىندا جانە ريددەر قالاسىندا بارلىعى 13 سەل ءجۇرۋدىڭ ءقاۋىپتى وشاعى بار، دەپ حابارلايدى Dalanews.kz

اتالعان اۋداندارداعى تاۋلاردىڭ جوعارعى جاقتارىندا 11 ەلدى مەكەنگە ءقاۋىپ توندىرەتىن 144 مورەنالىق كول قالىپتاسقان. سەل ءقاۋپى بار كەزەڭدە «قازسەلدەنقورعاۋ» مم ماماندارى كولدەردىڭ جاي-كۇيىن، سەل مەن سىرعىما اعىندارىن قالىپتاستىرۋعا ىقپال ەتەتىن فاكتورلاردى باقىلاۋدا ۇستايدى.

وبلىستا سىرعىما ءقاۋپى بار 9 ۋچاسكە بار: گروموتۋحا جانە ۋبا – ريددەر، بۇقتىرما، حامير، چەرنوۆايا – التاي اۋدانى، بۇقتىرما – كاتونقاراعاي اۋدانى، كەندىرلىك – زايسان اۋدانى.

قاۋىپسىزدىك ماقساتىندا سەل ءجۇرۋ ءقاۋپى بار ۋچاسكەلەردە 20 ەسكەرتۋ جانە تىيىم سالۋ قالقاندارى؛ سىرعىما ءجۇرۋ ءقاۋپى بار ۋچاسكەلەردە 18 قالقان ورناتىلدى. كوشكىن سەل جانە سىرعىما ءقاۋپى بار اۋدانداردىڭ جەرگىلىكتى اتقارۋشى ورگاندارىنا، عي­ما­راتتارى ءقاۋپى بار ۋچاسكەلەردە ورنالاسقان كاسىپورىن باسشىلارىنا، جەكە ءۇي يەلەرىنە ەسكەرتۋ پاراقشالارى تاراتىلدى.

سەل، سىرعىما جاعدايىنا مونيتورينگ جۇرگىزۋ ءۇشىن 9 ماۋسىمدىق گيدروپوست جانە جىل بويى جۇمىس ىستەيتىن 1 گيدروپوست ورناتىلعان.

شقو تجد جانە «قازسەلدەنقورعاۋ» مم شقو فيليالىنىڭ ماماندارى سەل، سىرعىما ءجۇرۋ ءقاۋپى جوعارى كەزەڭدە تاۋعا شىعۋعا بولمايدى.

توتەنشە جاعداي تۋىنداعان جاعدايدا 112 نومىرىنە حابارلاسۋ قاجەت.