Shyǵys Qazaqstan oblysynda 11 qyrkúiekte QR azamattyǵyn alǵysy keletin sheteldikter men azamattyǵy joq adamdar testileýden ótedi,- dep habarlaidy Dalanews.kz
Tirkeý 2-10 qyrkúiek aralyǵynda app.testcenter.kz platformasynda júrgiziledi.
Testileý úsh negizgi baǵytty qamtidy. Atap aitqanda, qazaq tili boiynsha bilim deńgeii, Konstitýtsiia negizderi jáne el tarihy. Ár tapsyrmada tórt jaýap nusqasy berilgen, olardyń tek bireýi ǵana durys.
Eń joǵary upai – 100 ball. Testi sátti tapsyrý úshin ár bólim boiynsha belgilengen eń tómengi mejeden ótý qajet: qazaq tili – keminde 15 ball, Konstitýtsiia negizderi – 20 ball, Qazaqstan tarihy – 15 ball.
Emtihan tapsyrý ýaqyty – 2 saǵat 10 minýt. Múgedektigi bar azamattarǵa qosymsha 30 minýt beriledi.
- Bul emtihan – jai ǵana bilim synaǵy emes. Ol Qazaqstanǵa qadam basý, eldiń qundylyqtaryn qabyldaýǵa, Konstitýtsiiasyn qurmetteýge jáne memlekettik tildi meńgerýge daiyn ekeniniń belgisi, – dep habarlady ShQO Politsiia departamentiniń kóshi-qon qyzmeti basqarmasynan.
Testileý nátijesi boiynsha qatysýshylardyń jeke kabinetterinde elektrondy sertifikat qoljetimdi bolady.
