2025 jylǵy 27 maýsymda Óskemen qalasynda Shyǵys Qazaqstan oblysynyń jetekshi taýar óndirýshileri qatysqan «Qazaqstannyń úzdik taýary – 2025» jyl saiynǵy baiqaýy, sondai-aq «Bir aýyl – bir ónim» kórmesi men «Aýyl Amanaty» jobasyna qatysýshylardyń ónimderiniń tanystyrylymy ótti,- dep habarlaidy Dalanews.kz
Kórmeni ShQO ákimdigi men Kásipkerler palatasy uiymdastyrdy. Baiqaý-kórmeniń basty maqsaty – jergilikti óndirýshilerdi qoldaý, taýarlar men qyzmetterdiń sapasyn arttyrýǵa yntalandyrý, otandyq brendterdi ilgeriletý jáne óńirdegi óndiristi damytý.
Kórme jármeńke formatynda ótti. Qonaqtar usynylǵan ónimdermen tanysyp, olardy satyp alý múmkindigine ie boldy.
Sonymen qatar, kórmege qatysýshylar áleýetti biznes áriptesteri men jetkizýshilerimen jańa iskerlik bailanystar ornatýǵa qosymsha múmkindik aldy.
«Bizdiń oblysymyz óndiristik kásiporyndarymen, aýyl sharýashylyǵy ónimderimen, tabiǵatynyń kórkemdigimen jáne qolónershilerimen tanymal. Jyl saiyn bul kórmede óńirimizde óndiriletin ónimderdiń túri kóbeiip keledi. Búgingi tańda ónimderimiz sapaly, biz óndiris júrgizýdi úirendik jáne sheteldik taýarlarmen básekelese alamyz. Sonymen qatar, baiqaý-kórmege «Bir aýyl – bir ónim» jobasy men «Aýyl Amanaty» baǵdarlamasy boiynsha jumys istep jatqan kásipkerler de qatysýda. Shyǵysqazaqstandyq kásiporyndar respýblikalyq baiqaýlarda júldeli oryndarǵa jii ie bolyp júr. Buǵan deiin «Silýmin-Vostok» JShS, «Emil» JShS, «Vostok-Moloko» JShS, «Brissol» JShS, «Paseka» sharýa qojalyǵy jáne basqa da tanymal kásiporyndar jeńimpaz atanǵan bolatyn. Biylǵy baiqaýdyń toǵyz júldegeri «Qazaqstannyń úzdik taýary» respýblikalyq kórmesine qatysý úshin elordamyz – Astana qalasyna «Qazaqstanda jasalǵan» brendimen barady. Barsha qatysýshylar men qonaqtarǵa kórme boiynsha kútken nátijege jetýin jáne tabysty eńbek tileimin!» – dedi quttyqtaý sózinde ShQO ákimi Nurymbet Saqtaǵanov.
Baiqaýǵa qatysýshylar úsh nominatsiia boiynsha óz ónimderin usyndy: «Óndiristik maqsattaǵy úzdik taýarlar», «Halyq tutynatyn úzdik taýarlar» jáne «Úzdik azyq-túlik taýarlary».
Aimaq basshysy baiqaý komissiiasymen birge kásipkerler usynǵan barlyq ónimdermen tanysty.
Is-shara sońynda «Qazaqstannyń úzdik taýary – 2025» baiqaý-kórmesiniń jeńimpazdaryn marapattaý rásimi ótti.
Jeńimpazdar respýblikalyq baiqaýǵa joldama alsa, «Bir aýyl – bir ónim» jobasynyń finalisteri 5 mln teńgege deiingi granttyq qarjylandyrýǵa qatysa alady.
