ShQO-da oblystyq ekologiia departamentiniń basshysy sottaldy, - dep habarlaidy Dalanews.kz.
Shyǵys Qazaqstan oblysynda Óskemen qalasynyń soty oblystyq ekologiia departamentiniń basshysy D. Álievke, jergilikti turǵyn M. Jýrkabaevqa jáne kásipker K. Dliýjevskiige qatysty úkim shyǵardy.
Áliev para alǵany úshin, Jýrkabaev deldaldyǵy, al Dlýjevskii kommertsiialyq uiymǵa altyn óndirýge ekologiialyq ruqsat alý úshin 4,5 mln teńge kóleminde para bergeni úshin kináli dep tanyldy.
Sot úkimimen sheneýnik 4 jylǵa, qala turǵyny – 1 jyl 6 aiǵa, kásipker – 3 jyl 6 aiǵa bas bostandyǵynan aiyryldy, sondai-aq paidaly qazbalardy barlaý jáne óndirý salasyndaǵy kommertsiialyq uiymdarda 5 jyl merzimge basshy laýazymdardy atqarýǵa tyiym salyndy.
Sondai-aq, olar ómir boiy memlekettik qyzmette jáne kvazimemlekettik sektorda qyzmet atqarý quqyǵynan aiyryldy.
Sot aktisi zańdy kúshine engen joq.
Aldyn alý sharalary sheńberinde úkimdi jariialaý Ekologiia komiteti men onyń aýmaqtyq bólimsheleri qyzmetkerleriniń qatysýymen onlain rejimde ótti.
Sonymen qatar, Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
