Osy rette Shyǵys Qazaqstan oblysy Ana men bala ortalyǵynyń ambýlatorıalyq qyzmetiniń jetekshisi Gúlnar Kelgenbaeva ortalyq janynan uıymdastyrylǵan mobıldi brıgada ózderine tirkelgen aýmaqta qalaı qyzymet etip jatqanyn qysqasha áńgimelep berdi.
– Bizdiń polıklınıkamyzda 2 moblıldi brıgada jumys isteıdi. Jádel áreket etý tobyna kúnine 40 jýyq qońyraý túsedi. Budan basqa mobıldi brıgada eńbek etip júrgen dárigerler indetten jazylyp, úı karantıninde otyrǵan pasıentterdiń de densaýlyǵyn baqylaıdy. Qazirgi tańda mobıldi brıgada jedel járdem jumysyna aıtarlyqtaı jeńildetip otyrǵanyn aıta ketýimiz kerek. Osylaısha atylymysh brıgada medısınalyq jumysty retteýge aıryqsha septesýde. Keı kezde mobıldi brıgadanyń quramyndaǵy áriptesterimiz pasıentterine telefon arqyly qashyqtan keńes berip, qalaı emdelýdiń jolyn túsindirip beredi, – deıdi Gúlnar Kelgenbaeva.
Osy rette mobıldi brıgada dárigerelerdiń resepti boıynsha naýqastarǵa qajetti dári-dármek jetkizip berý isimen de aınalysatynyn aıta ketýimiz kerek.
– Mende KVI-diń belgileri baıqalǵan sátte birden polıklınıkaǵa habarlasqanymda, birden mobıldi brıgada kelip, jan-jaqty tekserdi. Saraptama qorytyndysynda vırýs belgileri anyqtalmasa da jedel áreket etý tobynyń dárigerleri dáriger taǵaıyndaǵan dárilerdi jetkizip berdi. Jurtqa barynsha kómek qolyn sozyp, sapaly medısınalyq qyzmet kórsetip júrgen mobıldi brıgada qyzmetkerlerine alǵys aıtamyn, – dedi Óskemen qalasynyń turǵyny Lúdmıla Onıshýk
Qazirgi tańda oblys aýmaǵynda 373 mobıldi brıgada aýdan, qala jáne eldimekenderde sapaly qyzmet kórsetýde. Osy rette jergilikti bılik oryndary mobıldi brıgadalarǵa qajetti tarnsportpen qamtamasyz etken. Keıbir jerlerde ákimdik qyzmetkerleri jedel áreket tobyna ózderiniń qyzmettik kólikterin usynǵanyn aıta ketýimiz kerek.