SHQO-da polıseıler men oblystyq prokýratýra Glýbokoe aýdanynyń 22 jastaǵy turǵynyn esirtkini zańsyz saqtap, ósirdi degen kúdikpen ustady, dep habarlaıdy Dalanews.kz.
Tártip saqshylary jedel tintý barysynda kúdiktiniń úıiniń aýmaǵynan ózine tán ıisi bar ósimdik butalaryn ańǵarǵan. Sonymen qatar shyny banka men keptirilgen ósimdik salynǵan qap, metal tabaqshalar men ydys-aıaq tabyldy. Sondaı-aq ósimdikter salynǵan keptirgish mashına tárkilendi.
"Saraptama nátıjesine sáıkes, tárkilengen zattyń marıhýana ekenin anyqtady. Psıhotroptyq zattyń salmaǵy 4 kelini qurady. Buǵan qosa, sarapshylar 1,2 kelini quraıtyn kannabıs retinde tanyǵan ósimdik butasyn anyqtady", - delingen habarlamada.
Atalǵan faktiler boıynsha kúdiktige qatysty sotqa deıingi tergeý jumystary júrip jatyr.
