ShQO-da jylý ortalyqtaryna tiisti jóndeý jumystary aiaqataldy
Óńirder mańyzdy nysandy memleket menshigine berý jumystary da qolǵa alynǵanyn aita ketken jón.
Múliktik keshendi «Ridder sý arnasy» KMK-ǵa senimgerlik basqarýǵa berý týraly shartqa qol qoiylǵan bolatyn. Keshe kómir men mazýt jetkizý boiynsha sharttar jasasý bastaldy.
"Qarajyra" AQ vagondardy jóneltýge daiyn ekendigin rastady, Shyǵys Qazaqstan oblysy ákimdiginen kepildik hat joldanyp otyr, iaǵni tolyq qarjylandyrýǵa múmkindik bar. Qatty otynǵa arnalǵan vagondar da jetkilikti.
Sonymen qatar aldaǵy jylytý maýsymyndaǵy jumys úshin qyzmetkerler alynyp, jeke jáne zańdy tulǵalarmen – Ridder abonentterimen sharttar jasalýda.
Aita ketsek, nysandy jóndeýge respýblikalyq biýdjetten 8,3 mlrd teńge bólindi, onyń ishinde 7,2 mlrd JEO-daǵy qazandyq agregattary men basqa da jabdyqtardy jóndeýge, monoqalanyń jylytý jelilerin qaita jańartýǵa 1,1 mlrd teńge baǵyttaldy.
Oblystyq biýdjetten qosymsha 554 mln teńge bólindi. Bul óte úlken qarajat, mundai kólemdegi qarajat jylý kózinde buǵan deiin igerilmegen. Biýdjet qarajatyn igerý men barlyq jóndeý jumystary kestege sáikes júrgizilip jatyr. Jańa jylytý maýsymyna qarai qala jylýmen tolyq qamtamasyz etilýi tiis.
