Birinshi kezeńde kásipkerlerdiń máselelerin muqiiat zerdeleýge jáne olardy tolyq sheshilgenge deiin súiemeldeýge basa nazar aýdaryldy.
– Búgingi tańda palatamen birlesip 30-dan astam bizneske qatysty naqty problemalyq másele oń sheshilip, óńirdegi 369 kásipkerdiń quqyqtary qorǵaldy. Bul rette biz sandyq kórsetkishterge umtylýdy maqsat etpeimiz. Ákimshilik kedergilerge bailanysty týyndaǵan máselelerine oń sheshim taba almaǵan kásipkerlerdiń barlyǵyna kómektesýge tyrysamyz, – dep atap ótti brifingte ShQO Sybailas jemqorlyqqa qarsy qyzmetiniń basshysy Denis Shakenov.
Eń kóp máseleler jer qatynastary salasynda jáne infraqurylym obektilerine qosylý barysynda týyndaidy.
Mysaly, Altai aýdanynda kásipker bir jyldan astam ýaqyt boiy qala ákimdiginiń jer ýchaskesin aýktsionǵa qoiýyna qol jetkize almaǵan.
Ol sol jerge dúken salǵysy kelgen. Departamenttiń aralasýynan keiin jerge ornalastyrý jobasy bekitildi, jer ýchaskesi aýktsionǵa qoiyldy jáne kásipker quny 10 mln teńgege jýyq jer ýchaskesin satyp aldy.
Máselelerdiń taǵy bir úlken toby memlekettik satyp alý jáne salyq salasymen bailanysty. Olar barlyq sheshilgen jaǵdailardyń tórtten birin quraidy.
Mysaly, fiskaldyq tártipti baqylaý maqsatynda 2022 jyly "Vipon" baǵdarlamasy engizilgen.
Bul – halyqqa chekterdi bermeý faktileri boiynsha materialdardy salyq organdaryna jiberýge múmkindik beretin baǵlarlama.
Alaida baǵdarlamanyń jumysyna vedomstvolyq baqylaý durys jolǵa qoiylmaǵan.
"Kórsetkishter úshin jarysta" ishki kirister qyzmetiniń qyzmetkerleri ózderi nemese olardyń týystary ótinish bergen.
– Óskemen qalasynyń memlekettik kirister basqarmasy qyzmetkerleriniń biri kásipkerlerden aqsha qarajatyn zańsyz alý úshin baǵdarlamanyń múmkindikterin paidalanǵan. Oǵan alaiaqtyq jasaǵany úshin memlekettik qyzmette jumys isteý quqyǵynan ómir boiyna aiyra otyryp, 6 million teńge aiyppul salyndy. Memlekettik kirister komitetiniń atyna osyndai táýekelderdi júieli túrde joiý jáne qaramaǵyndaǵylardyń jumysyn baqylaýdy uiymdastyrý jóninde usynys joldandy, – dep atap ótti Denis Shakenov.
Memlekettik satyp alý jelisi boiynsha kásipkerlerdiń negizgi problemasy oryndalǵan sharttardyń aqysynyń ýaqtyly tólenbeýimen bailanysty.
Joba aiasynda ShQO-nyń 10 kásipkeri Sybailas jemqorlyqqa qarsy qyzmettiń usynymdarynan keiin ǵana tapqan aqshalaryn ala aldy.
Mundai jaǵdailardy júieli túrde joiý úshin Qarjy ministrligi tólemniń keshigýin avtomatty túrde anyqtaý maqsatynda memlekettik satyp alý portalynyń fýnktsionalyn jetildiredi.
