ShQO-daǵy stýdentterdi Qazaqstan halqy Assambleiasynyń qyzmetine tartý, el jastarynyń ózindik tulǵasyn qalyptastyrý jáne olardyń bastamalaryn qoldaý maqsatynda oblystaǵy úsh joǵary oqý orny men tórt kolledjde «BIRLIK POWER» stýdenttik assambleialary ashyldy,- dep habarlaidy Dalanews.kz
Assambleialardy ashý aiasynda Óskemendik stýdentter Dáýlet Serikbaev atyndaǵy Shyǵys Qazaqstan tehnikalyq ýniversitetindegi zerthanalarǵa ekskýrsiia jasap, ondaǵy tehnologiialyq jetistiktermen tanysty. Sonymen qatar, Qazaqstan-Amerikandyq erkin ýniversitetinde ótken stýdenttik assambleianyń saltanatty ashylý rásimine qatysyp, aimaqtyń belsendi jastarymen jáne «Assambleia jastary» respýblikalyq qoǵamdyq birlestiginiń tóraǵasy Timýr Jumyrbaevpen kezdesti. Kezdesý barysynda uiym tóraǵasy stýdentterge stýdenttik assambleia jastarynyń qyzmeti týraly baiandady.
«BIRLIK POWER» stýdenttik assambleialarynyń ashylýy aiasynda «Dostyq úii – qoǵamdyq kelisim ortalyǵynda» kontserttik baǵdarlama uiymdastyrylyp, assambleia qataryna qabyldanǵan jastarǵa kýálikter tabystaldy.
"Biyl Qazaqstan halqy Assambleiasynyń 30 jyldyǵy. Assambleia jastardyń bastamalary men áleýetin damytýǵa erekshe kóńil bólip keledi. Búgin biz Shyǵys Qazaqstan oblysynda jeti jańa stýdenttik assambleia ashtyq. Qazirgi ýaqytta elimizdegi 50-den astam JOO men kolledjderde osyndai assambleialar qurylyp, belsendi jumys istep jatyr. «Assambleia jastary» qozǵalysy jáne jańadan ashylǵan stýdenttik assambleialar jastardy qoǵamdyq kelisim men birlikti saqtaýǵa, jańa bastamalarǵa umtylýǵa baǵyttaidy dep senemin", – dedi «Assambleia jastary» birlestiginiń tóraǵasy Timýr Jumyrbaev.
