Shyǵys Qazaqstan oblysynda Táýelsizdik kúnine orai sportshylardyń jetistikteri atap ótildi. Olardyń halyqaralyq arenadaǵy jeńisteri temirdei tártip pen kúndelikti qajyrly eńbektiń nátijesi. Al óńir úshin bul – zor maqtanysh, dep habarlaidy Dalanews.kz.
Biz Jasóspirimder arasyndaǵy V Aziia paraoiyndarynda (Dýbai qalasy) tabysty óner kórsetken shyǵysqazaqstandyq sportshylarymyzdy erekshe maqtan tutamyz. Búgin sol chempiondar oblys ákimdiginde saltanatty túrde marapattaldy.
«Bul jarystarǵa álemniń 50 elinen 1300-den astam sportshy qatysty. Bizdiń sportshylar joǵary sheberligin ǵana emes, eń bastysy myqty minezin, tabandylyǵyn jáne jeńiske degen jigerin kórsetti. Ulttyq qurama qorjynyna 68 medal tústi: 25 altyn, 23 kúmis jáne 20 qola», – dedi oblys ákimi Nurymbet Saqtaǵanov.
Sportshylar men olardyń jattyqtyrýshylaryna Alǵys hattar men 300 000 jáne 500 000 teńge kólemindegi aqshalai sertifikattar tabystaldy. Aimaq basshysy olarǵa zor densaýlyq pen jańa jylda jańa jetistikterge jetýlerin tiledi.
Chempiondarymyzdy atap ótsek: Viktor Volkov (parajúzý), Olga Romankova (paraarmrestling), Matvei Pahomov (parajúzý), Kirill Ressler (parajúzý). Jattyqtyrýshylary: Oksana Makarova, Evgenii Sizintsev, Sergei Sokolov.
Búginde ShQO-da 1628 sport nysany jumys isteidi (onyń 563-i qalalarda, 1065-i aýyldarda ornalasqan). Bul buqaralyq jáne inkliýzivti sportty júieli damytýǵa, sportshylardy daiarlaýǵa jáne túrli deńgeidegi jarystardy ótkizýge múmkindik beredi.
