Qazaqstan Respýblikasynyń Konstitýtsiialyq Soty Prezidenttiń ótinishi boiynsha jańa Konstitýtsiiadaǵy birqatar memlekettik laýazymdarǵa qatysty normalarǵa resmi túsinikteme berdi, dep habarlaidy dalanews.kz.
Konstitýtsiialyq Sottyń málimetinshe, 2026 jylǵy Konstitýtsiianyń 43-babynyń 1-tarmaǵynda, 72-babynyń 2 jáne 3-tarmaqtarynda, 83-babynyń 1-tarmaǵynda jáne 84-babynyń 3-tarmaǵynda kózdelgen shekteýler tek jańa Konstitýtsiia kúshine engennen keiingi sailaný nemese taǵaiyndalý jaǵdailaryna qoldanylady.
Sot 1995 jylǵy Konstitýtsiia qoldanysta bolǵan kezeńde atqarylǵan qyzmet merzimderi men sol kezeńdegi sailaný nemese taǵaiyndalý faktileri jańa Konstitýtsiiadaǵy shekteýlerdi qoldaný kezinde esepke alynbaitynyn atap ótti.
Osyǵan bailanysty, 1995 jylǵy Konstitýtsiia boiynsha tiisti laýazymdardy atqarǵan azamattar 2026 jylǵy Konstitýtsiia kúshine engennen keiin sol qyzmetterge qaita sailana nemese taǵaiyndala alady.
Konstitýtsiialyq Sottyń resmi túsindirýine sáikes, mundai jaǵdaida jańa Konstitýtsiia kúshine engennen keiingi sailaný nemese taǵaiyndalý alǵashqy ret sailaný nemese taǵaiyndalý retinde qarastyrylady.
Aita keteiik, Konstitýtsiialyq Sot bul túsindirýdi Prezidenttiń 2026 jylǵy 15 naýryzdaǵy resmi ótinishi negizinde qabyldady.
