ShQO-da jańa tehnologiialar men selektsiialyq sorttar ónimdilikti arttyrýǵa kómektesedi.
Ótken jylmen salystyrǵanda ónimdilik eki esege artqan, dep habarlaidy Dalanews.kz.
Glýbokoe aýdanynyń Tarhanka aýylynda ornalasqan «Semena Maslichnyh» sharýa qojalyǵy 20 jyldan astam ýaqyttan beri aýyl sharýashylyǵy daqyldaryn ósirýmen ainalysyp keledi. Óz alqaptaryna bidai, arpa, qaraqumyq, kúnbaǵys otyrǵyzýmen ainalysady. Shyǵys Qazaqstan aýyl sharýashylyǵy ǵylymi-zertteý institýtymen birlesip «Semena Maslichnyh» sharýa qojalyǵy biyl zyǵyr tuqymdary shyǵaryp, egin alqaptaryna otyrǵyzdy.
Sońǵy birneshe jylda sharýa qojalyǵynyń ónimdiligi jańa tehnologiialardyń arqasynda artty: jańa agrotehnika, zamanaýi tyńaitqyshtar, paidalanylady, bul ónimdi ósirýge ǵana emes, sonymen qatar saqtaýǵa da kómektesedi.
– Bizdiń sharýa qojalyǵymyz turaqty damýy úshin biz jańa sorttardy engizip, synaqtar júrgizip, jańa tehnologiialardy topyraqty óńdeýge de, astyq jinaýǵa da qoldanýdamyz. Ótken jyldan bastap jańa kombaindar paidalanyla bastady, olar gektarynan túsetin ónim kólemin onlain-rejimde kórýge múmkindik beredi. Bul egistik bederin qadaǵalaýǵa kómektesedi. Biz jańa kombaindardyń arqasynda belgili bir ýchaskede ne jetispeitinin birden túsinemiz, - deidi «Semena maslichnyh» JShS direktory Fedor Tsybenko.
Sharýa qojalyǵy bir gektar jerden 35-ten 45 tsentnerge deiin ónim alady, bul ótken jyldarmen salystyrǵanda aitarlyqtai joǵary.
Sonymen qatar, sharýa qojalyǵy jergilikti turǵyndar úshin jańa jumys oryndaryn ashýda.
Aýyl sharýashylyǵy ministrliginiń málimetinshe, jappai egin jinaý jumystary tamyz aiynyń aiaǵyna taman bastalady.
Premer-ministrdiń orynbasary Serik Jumanǵarinniń basshylyǵymen salalyq ministrlikter, ákimdikter men agrariiler arasynda úilestirý jáne baqylaý úshin egin jinaý naýqanyn ótkizý boiynsha jedel shtab qurýdy tapsyrdy.
– Sapaly jinaý jáne astyqty saqtaý el úshin erekshe mánge ie. Týyndaǵan barlyq suraqtardy kún saiynǵy rejimde pysyqtaý qajet. Bul tek ministrlikterge ǵana emes, ákimdikter men fermerlerdiń ózderine de qatysty. Aýyl sharýashylyǵy ministrligine oblys ákimdikterimen birlesip egin jinaý jumystarynyń barysyn erekshe baqylaýda ustaýdy tapsyramyn. Dándi daqyldardy saqtaýdyń tiisti jaǵdailaryn qamtamasyz etý de mańyzdy, - dedi Premer-ministr Oljas Bektenov.
