Prezıdent Qasym-Jomart Toqaev shaǵyn jáne orta bızneske qatysty qatań karantın sharalaryn qaıta qaraýdy tapsyrdy, sebebi tájirıbe kórsetkendeı, COVID-19 jańa shtammy barlyq jerde taralady jáne qazaqstandyqtardyń kóbi onymen aýyrýǵa májbúr bolady.
Búgin Shyǵys Qazaqstan oblysynyń ákimi Danıal Ahmetov shaǵyn jáne orta bıznes ókilderimen jınalys ótkizdi. Konstrýktıvti dıalog barysynda ýaqyt shekteýin alyp tastaý jáne mekemeniń toltyrylýy 50 paıyzdan aspaýyn qaltyrý týraly sheshim qabyldandy.
Bul tek kafeler men meıramhanalarǵa, túngi klýbtar men karaoke-barlarǵa, bılárd jáne banket zaldaryna ǵana qatysty emes, sondaı-aq dinı uıymdarǵa da qatysty. Rásimderdi ótkizýge ruqsat berildi, tek dinı nysandardyń jartylaı toltyrylýymen.
Eger naqtyraq aıtatyn bolsaq, banket zaldary úshin qatysýshylardyń sany 100 adam, túngi klýbtar úshin – toltyrylýynyń 70 paıyzy, al karaokeler úshin – 50 paıyz. Kásipkerler isterin odan ary jalǵastyrýǵa jáne jumysshy oryndaryn saqtap qalýǵa múmkindik bergenge alǵystaryn bildirdi.
Sonymen qatar olar barlyq qyzmetkerlerdiń ekpe alǵanyn, «Ashyq» baǵdarlamasy boıynsha qyzmet etetinderin jáne barlyq sanıtarlyq talaptardy saqtaıtyndaryn jetkizdi.
Aıta keteıik, oblys turǵyndary júz paıyz vaksıanasıalandy, jáne qazir revaksınasıa qarqyndy júrgizilýde. Revaksınasıadan 142 adam ótti, 1 aqpanǵa deıin olardyń sany 238 myńǵa jetedi. Osy sharalardyń bári naýqastanýdyńósýine jolbermedi. Óńirdegi tósek-oryn qorynyń toltyrylýy 14 paıyz.
– Bizde 1400 ınfeksıalyq tósek-oryn jáne 260 jansaqtaý oryndary bar, qajet bolsa biz olardyń sanyn sáıkesinshe 3000-ǵa jáne 570-ke kóbeıte alamyz, – dedi kezdesý barysynda oblys ákimi Danıal Ahmetov. – Biraqta bizdiń prınsıpti ustanymymyz – balalarǵa qaýip tóndirmeý, sondyqtan oqýshylar, 9-11 synyp oqýshylaryn eseptemegende qashyqtyqtan oqıdy, al balalardyń oıyn-saýyq ortalyqtary ázirshe jabyq bolady.
Óńir basshysy kásipkerlerge 4-5 qańtarda bolǵan qaıǵyly kúnderi kómek kórsetip, qoldaý bildirgenderine alǵysyn bildirdi jáne árqashan týyndaǵan problemalardy sheshý úshin ashyq dıaologtar ótkizýge bolatynyn aıtyp ótti.
