Shyǵys Qazaqstan oblysynda Arnold Shvartseneggerdiń atasy salǵan kópir jóndeledi. Bul týraly Shyǵys Qazaqstan oblysynyń ákimi Nurymbet Saqtaǵanov Katonqaraǵai aýdany turǵyndarymen kezdesý barysynda málimdedi,- dep habarlaidy Dalanews.kz
«El aýzynda «Staro-Avstriiskaia» dep atalyp ketken joldyń boiyndaǵy kópirdiń jóndeý jumystarynyń sozylyp ketkeni – óńir turǵyndary úshin ǵana emes, ózge oblystar men shetelden keletin týrister úshin de aitarlyqtai qiyndyq týǵyzyp otyr», - dedi Nurymbet Saqtaǵanov.
Bul jaǵdai týristik baǵyttaǵy qozǵalysqa kedergi keltirip, óńirdiń tartymdylyǵyna teris áser etýde.
Týrizmdi damytý – bul infraqurylym, jol, bailanys, qaýipsizdik, jol boiyndaǵy qyzmet kórsetý, tamaqtaný, qyzmet kórsetý sapasyna tikelei bailanysty. Oblys ákimi osy máselelerdi sheshýmen júieli túrde ainalysamyz dep atap ótti.
Osy oraida Nurymbet Saqtaǵanov aýdan ákimi men jolaýshylar kóligi jáne avtomobil joldary basqarmasy basshysynan osy másele boiynsha halyq aldynda naqty jaýap berýdi talap etti.
Óz kezeginde aýdan ákimi kópirdiń qaita jańǵyrtylatynyn aitsa, al basqarma basshysy Daniiar Ýahitov ShQO-da eski avstriialyq joldy jóndeý jumystary bastalatynyn málimdedi. Ol qajetti tehnika men mamandar kelesi aptada atalǵan nysanǵa jetkiziletinin atap ótti.
