Shyǵys Qazaqstan oblysynda dándi jáne maily daqyldardyń ónimi birshama ósti. Bul týraly Shyǵys Qazaqstan oblystyq máslihatynyń kezekti XVI sessiiasynda oblys ákimi Ermek Kósherbaev málimdedi, dep habarlaidy Dalanews.kz.
– Agroónerkásiptik keshende ónimdilik arttyrý ónimdi qaita óńdeý, importty almastyrý basymdyqqa ie. Biyl agroónerkásip keshen ónimderin eksporttaýdaǵy qaita óńdelgen ónimniń úlesi 37,6%-dan 67,5%-ǵa deiin ulǵaidy. Dándi jáne maily daqyldarynyń negizi túrleri boiynsha ónim birshama óskenin kóremiz. Biyl barlyǵy 38,3 mlrd teńgege agroónerkásip kesheniniń 15 jobasy iske asyrylyp jatyr. Sonyń ishinde 1,7 mlrd teńgege 8 joba iske qosyldy. Nátijesinde sý únemdeý tehnologiialaryn qoldanatyn alań 8,9 myń gektardy qurady nemese ótken jylmen salystyrǵanda 50%-ǵa iaǵni, 3 myń gektarǵa ósti. Sýarmaly egin sharýashylyǵyn damytý úshin «ERTIS BEREKE OSKEMEN» JShS birlesken kásiporny quryldy, ol «Ertis» Áleýmettik-kásipkerlik korporatsiiasy» jáne «SPACETIME» jeke seriktestiginiń qoldaýymen «SuBereke» markaly brendpen otandyq jańbyrlatý qondyrǵylaryn shyǵaratyn bolady, - deidi Ermek Kósherbaev.
Óskemende «ALTAI MAI» JShS munai óndirý zaýytynyń qurylysy aiaqtalýda. Sonymen qatar, Soltústik Qazaqstan oblysynyń tájiribesi negizinde jylyna 36 myń tonna sút óndiretin bes taýarly-sút fermasynyń qurylysy júrgizilip jatyr. Qýattylyǵy 4 myń tonna bolatyn taǵy bir sharýa qojalyǵynyń qurylysy boiynsha da konkýrstyq rásimder júrgizilýde.
«Aýyl amanaty» baǵdarlamasy aiasynda 2024 jyly aýyl sharýashylyǵy men týrizmdi damytýǵa 5,6 mlrd teńge kóleminde nesie berý josparlanǵan.
Biyl respýblikalyq biýdjetten aýyl sharýashylyǵy ónimderin qaita óńdeýdi jáne týrizmdi damytýdyń basym baǵyttary úshin 1 mlrd teńge bólindi.
